Вакыйгалар хроникасы

• 30.08.2005

  Татарстан Республикасы Президенты Минтимер Шәймиевнең Казан шәһәренең 1000 еллыгы һәм Республика көне белән котлавы

  Кадерле ватандашлар! Бүген - гасырлар тарихында калачак истәлекле көн. 15 ел элек, 1990 елның 30 августында Татарстан Республикасының дәүләт суверенитеты турында Декларация кабул ителде. Шул вакыттан башлап, ел саен Республика көнен билгеләп үтү матур гадәткә әйләнде. Ә быел без башкалабызның 1000 еллык юбилеен да берьюлы, зурлап бәйрәм итәбез.
• 30.08.2005

  Татарстан Президенты исеменә Казанның 1000 еллыгы уңаеннан котлау телеграммалары килде

  Татарстан Президенты Минтимер Шәймиев исеменә Казанның 1000 еллыгы уңаеннан котлау телеграммалары килде.
• 30.08.2005

  Минтимер Шәймиев: "Икмәк булса - җыр бар һәм ул һәрвакыт булачак"

  30 августта 10 сәгатьтә Халыкара ат-спорт комплексында "Алтын дага" бәйрәме башланды. Ул Казан тарихы турында сөйләүче сәхнәләштерелгән тамаша белән башланды. Халыкара ат-спорт комплексында Татарстаның иҗат коллективлары чыгыш ясады.
• 30.08.2005

  Татарстан Президенты Минтимер Шәймиев РФ Югары арбитраж суды рәисе Антон Иванов белән очрашу үткәрде

  30 августта "Казан" Халыкара ат-спорт комплексында Татарстан Президенты Минтимер Шәймиев белән республика башкаласының 1000 еллыгын бәйрәм итәргә килгән федераль министрлыклар һәм ведомстволар җитәкчеләре белән очрашулар үткәрелә.
• 30.08.2005

  ТР Президенты Минтимер Шәймиев РФ Югары суды рәисе Вячеслав Лебедев белән очрашты

  30 августта "Казан" Халыкара ат-спорт комплексында Татарстан Президенты Минтимер Шәймиев белән Россия Федерациясенең Югары суды рәисе Вячеслав Лебедев очрашты. Аннары Вячеслав Лебедев журналистларга Татарстанның суд корпусын формалаштыру белән бәйле мәсьәләләр буенча фикер алышыну турында хәбәр итте.
• 30.08.2005

  ТР Президенты Минтимер Шәймиев Россиянең гражданнар оборонасы һәм гадәттән тыш хәлләр министры Сергей Шойгу белән очрашты

  30 августта "Казан" Халыкара ат-спорт комплексында Татарстан Президенты Минтимер Шәймиев Россиянең гражданнар оборонасы һәм гадәттән тыш хәлләр министры Сергей Шойгу белән очрашты.
• 30.08.2005

  ТР Президенты Минтимер Шәймиев Федераль җир асты байлыкларын куллану агентлыгы җитәкчесе Анатолий Ледовских белән очрашты

  30 августта "Казан" Халыкара ат-спорт комплексында Татарстан Президенты Минтимер Шәймиев Федераль җир асты байлыкларын куллану агентлыгы җитәкчесе Анатолий Ледовских белән очрашты. Очрашудан соң А.Ледовских журналистларга республика территориясендә яңа җир асты байлыклары урыннарын эшкәртүгә кагылышлы мәсьәләләр буенча фикер алышыну турында хәбәр итте.
• 30.08.2005

  ТР Президенты Минтимер Шәймиев Россия Хөкүмәте Рәисе ярдәмчесе Геннадий Фадеев белән очрашты

  30 августта "Казан" Халыкара ат-спорт комплексында Татарстан Президенты Минтимер Шәймиев Россия Хөкүмәте Рәисенең ярдәмчесе Геннадий Фадеев белән очрашты. Геннадий Фадеев ТР Президенты белән очрашуны шәрехләп, Татарстан лидерына сәясәтче буларак рәхмәтлемен, күпмилләтле республика Казан юбилеен конфессияара ызгышлардан тыш каршы ала диде.
• 30.08.2005

  ТР Президенты Минтимер Шәймиев "Лукойл" Нефть компаниясе" ААҖнең президенты Вәгыйз Алекперов белән очрашты

  30 августта "Казан" Халыкара ат-спорт комплексында Татарстан Президенты Минтимер Шәймиев "Лукойл" Нефть компаниясе" ААҖнең президенты Вәгыйз Алекперов белән очрашты. Аннары Вәгыйз Алекперов очрашуда сүз нефтьнең сыйфаты һәм бәясе турында баруын хәбәр итте. Нефть компаниясе башлыгы Татарстан Президенты белән очрашудан канәгать калуын белдерде.
• 28.08.2005

  27 августта Халыкара ат-спорт комплексында уйнатылган Татарстан Президенты Призы Краснодар краена китә

  27 августта Халыкара ат-спорт комплексында өченче ат чабышы тәмамланды. Татарстан Президенты Призына 3 яшьлек һәм өлкәнрәк атлар (2400 метр арага) көрәште. Чабышларның Приз фонды - 3 миллион сум.
• 27.08.2005

  Владимир Путин: "Казан метросы өчен Мәскәү һәм Петербург та эшләде"

  27 августта Россия Президенты Владимир Путин, Татарстан Президенты Минтимер Шәймиев, Казакъстан Президенты Нурсолтан Назарбаев Казан метрополитенын карады һәм җир асты поездында "Кремль" станциясеннән "Әмәт"кә кадәр бардылар. Дәүләт башлыгы белән метрога ТР Президенты Минтимер Шәймиев һәм Казан хакимияте башлыгы Камил Исхаков та төште.
• 26.08.2005

  Минтимер Шәймиев: “Россия Федерациясе Дәүләт Советы дәүләт хакимияте институты буларак үзен аклады”

  Хәзерге вакытта Казан ратушасында уза торган РФ Дәүләт Советы утырышында чыгыш ясаганда, Татарстан Президенты Минтимер Шәймиев РФ Дәүләт Советы дәүләт хакимияте институты буларак үзен аклады, дип билгеләп үтте. Аның фикеренчә, Россия Федерациясендә гомуми хокукый киңлек булырга тиеш, чөнки демократия хокукый нигездә төзелә, ә федерализм – вәкаләтләрне анык бүлешүдә. ТР Президенты Россия Федерациясе зур потенциаллары булган төбәкләр ярдәмендә ныгыячак, дип саный.
• 26.08.2005

  Владимир Путин Казанга килде

  Яңарак кына “Казан” Халыкара аэропортына Россия Федерациясе Президенты Владимир Путин самолеты төшеп утырды. Дәүләт башлыгын Татарстан Республикасы Президенты Минтимер Шәймиев, РФ Хөкүмәте Рәисе Михаил Фрадков, Идел буе –Урал хәрби округы башлыгы Владимир Болдырев, ТР буенча Баш федераль инспектор Марсел Галимәрдәнов, Татарстан Дәүләт Советы Рәисе Фәрит Мөхәммәтшин, Казан хакимияте башлыгы Камил Исхаков, башка рәсми затлар каршы алды.
• 09.08.2005

  Герман Греф “КАМАЗ” компаниясе төркеме предприятиеләре белән танышты

  9 август көнне Татарстанга эшлекле сәфәре кысаларында РФ икътисади хезмәттәшлек һәм сәүдә министры Герман Греф “КАМАЗ” компаниясе төркеме предприятиеләрендә булды. Программада “Кама индустрия паркы - Мастер” ААҖ проектын тәкъдир итү, “КАМАЗ” автомобильләре күргәзмәсе һәм “КАМАЗ-Дизель” предприятиесендә булу каралган иде.
• 08.08.2005

  Татарстан Президенты Түбән Новгород өлкәсе губернаторының вазифаларына керешү тантанасында катнашачак

  8 август көнне Татарстан Президенты Минтимер Шәймиев Түбән Новгород өлкәсе Губернаторы Валерий Шанцевның вазифаларына керешү тантанасында катнашачак. Төбәкнең яңа башлыгы Түбән Новгород ярминкәсенең Герб залында ант итәчәк.
• 08.08.2005

  Минтимер Шәймиев Алтай крае губернаторының фаҗигале төстә һәлак булуы уңаеннан кайгы уртаклаша

  Татарстан Президенты Минтимер Шәймиев губернатор Михаил Сергеевич Евдокимовның төстә һәлак булуы сәбәпле, аның туганнары, якыннары һәм Алтай крае халкының кайгысын уртаклаша, дип хәбәр итә ТР Президенты матбугат үзәге.
• 06.08.2005

  Минтимер Шәймиев Ауропа илләренең мөселман дине лидерлары белән очрашты

  5 августта Казан Кремлендә Татарстан Президенты Минтимер Шәймиев Ауропа мөселман берлеге вәкилләре белән очрашты. Очрашуда Ауропа илләрендә яшәүче мөселманнарның проблемалары, шулай ук аларның башка конфессия вәкилләре белән үзара мөнәсәбәтләре тикшерелде. ТР Президенты Минтимер Шәймиев билгеләп үткәнчә, “Ауропа мөселман берлеген төзү – вакыт таләбе”. Республика башлыгы фикеренчә, бүген төп диннәр арасындагы багланышлар аек акыллы кешеләрне илдә барган вакыйгаларга битараф калдыра алмый, килеп туган проблемаларны чишүнең юлларын эзләүгә этәрә.
• 05.08.2005

  Минтимер Шәймиев: “Республиканың мәгариф системасы, беренче чиратта, Татарстанның приоритетлы машина төзелеше, нефть химиясе һәм агросәнәгать комплексы өлкәләренә юнәлгән булырга тиеш”

  4 августта “Пирамида” мәдәни- күңел ачу комплексында Татарстан Президенты Минтимер Шәймиев катнашында “Мәгариф - яңа меңьеллыкта” Республика август конференциясенең пленар утырышы булды.
• 04.08.2005

  Минтимер Шәймиев: “Бөтенесен үзәкнең финанс коралы аша тотып калу торгынлыкка китерә, беренче чиратта, дотацион төбәкләрнең үзләрен”

  Татарстан Президенты Минтимер Шәймиев фикеренчә, төбәкләрне тигезләү сәясәте перспективасыз һәм бүген РФ субъектларына карата финанс-икътисади тигезләү омтылышларыннан китәргә вакыт дип ышана ул. “Бөтенесен үзәкнең финанс коралы аша тотып калу торгынлыкка китерә, беренче чиратта, дотацион төбәкләрнең үзләрен”, - диде М.Шәймиев “Интерфакс”ка биргән интервьюсында.