Вакыйгалар хроникасы


ТР Президенты каршындагы "Дәүләт торак фонды" оешмасының Попечительләр советы утырышы узды

4 июньда Казан Кремлендә Татарстан Президенты Минтимер Шәймиев рәислегендә, ТР Президенты каршындагы "Дәүләт торак фонды" коммерцияле булмаган оешманың Попечительләр советы утырышы узды.

Утырышта 2008 елда социаль ипотека программасы үтәлеше һәм 2009-2011 елларга булган фаразлы күрсәткечләр турында Дәүләт торак фонды башкарма директоры Тәлгать Абдуллин хисап тотты. Беренче мәсьәлә буенча шулай ук ТР төзелеш, архитектура һәм торак-коммуналь хуҗалык министры Марат Хөснуллин, Алабуга муниципаль районы башлыгы Илшат Гафуров һәм башкалар чыгыш ясады.
Утырышның көн кадагына куелган гражданнарны торак алу өчен учетка бастыру һәм аларны фатирлар белән тәэмин итүгә кагылышлы икенче мәсьәлә буенча шулай ук Тәлгать Абдуллин доклад ясады.

Попечительләр советы киңәшмәсендә ТР Премьер-министры Рөстәм Миңнеханов, ТР Дәүләт Советы Рәисе Фәрит Мөхәммәтшин, Казан шәһәре мэры Илсур Метшин, ТР Президентының дәүләт-хокук идарәсе башлыгы Рәйсә Сәхиева, министрлык җитәкчеләре, сәнәгать оешмалары генераль директорлары һәм башкалар катнашты.


2008 елның 4 июне