Вакыйгалар хроникасы


М.Шәймиев исеменә Буа районында урып–җыю эшләренең тәмамлануы турында телеграмма килде

Татарстан Республикасы Президенты Минтимер Шәймиев исеменә Буа муниципаль районында урып–җыю эшләренең тәмамлануы турында телеграмма килде.

“Урып–җыю эшләре 51,221 мең гектар мәйданда башкарылды, уңыш гектарыннан уртача 44,2 центнер, ашлыкның тулай җыемы 226,4 мең тонна (шуның 137,156 мең тоннасы – бодай) тәшкил итте. Икмәк кабул итү пунктларына 124,13 мең тонна ашлык, шул исәптән 92,23 мең тонна бодай (шуның 78,6 мең тоннасы – өченче класслы бодай) озатылды.

Бу зур хезмәт җиңүе – механизаторларның фидакарь хезмәте, шулай ук “Алтын башак” холдинг компаниясе, “Татспиртпром” ААҖ һәм “ВАМИН–Татарстан” ААҖ инвесторлары белән тыгыз хезмәттәшлек нәтиҗәсе. Буа икмәгенә “Нива” (25,54 мең тонна ашлык суктырды), “Авангард” (20,782 мең тонна), “Дружба” агрофирмалары (19,799 мең тонна), “Кыят” ААҖ, “Коммуна” ҖЧҖ, “Тинчәле” ҖЧҖ, фермер хуҗалыклары саллы өлеш кертте. Буа элеваторы яңа уңышны оператив төстә кабул итүне оештырды. “Буинскагропромснаб” ҖЧҖ, “Мехотряд” ҖЧҖ, район авыл хуҗалыгы предприятиеләре, оешмаларының транспорт хезмәткәрләре ашлык ташуда аеруча өлгерлек күрсәтте. Район авыл хуҗалыгы берләшмәләре ТР төбәк азык–төлек фондына лизинг бурычларын тулысынча түләде. Ашлык сату, 2010 ел уңышына туфрак әзерләү эшләре дәвам итә.

Шәхсән Сезгә һәм Татарстан Республикасы Хөкүмәтенә күрсәткән ярдәмегез өчен чын күңелдән рәхмәт белдерәм”, диелә Буа муниципаль районы башлыгы Р.Әбүзәровның телеграммасында.


2009 елның 8 сентябре