Вакыйгалар хроникасы


Минтимер Шәймиев: “Комсомольская правда”газетасы белән әңгәмәсенә бәйле аңлатма бирде

Бүген, 2013 елның 27 мартында, “Комсомольская правда” газетасында "Минтимер Шәймиев: "Әгәр хакимияткә килсәң, "рәхмәт" әйтүләрен көтмә!" исемле ТР Дәүләт Киңәшчесе катнашында әңгәмә басылды, ул республиканың ММЧда зур резонанс барлыкка китерде.

Аларның кайберләре Минтимер Шәймиевнең сүзләрен, текстта мондый фикер булмаса да, ТР Дәүләт Киңәшчесе урыныннан китәргә җыена, дип шәрехли.

Моңа бәйле рәвештә, Минтимер Шәймиев аңлатма бирде:

“Минемчә, әңгәмәдә минем киләчәктәге эшчәнлегемә тиешенчә ачык һәм тулы аңлатма бирелгән. Сүз Дәүләт Киңәшчесе урыныннан китү турында бармый. Эш шунда, мин чыннан да, үз-үземне чикләргә, ягъни, бар көчемне Болгар һәм Зөяне яңадан торгызу буенча проектны тормышка ашыруга, рухи савыгуыбызга ярдәм итүгә юнәлтеп, дәүләт эшләрендә азрак катнашырга булдым. Әңгәмәдә моңа шуның өчен басым ясалды, чөнки миңа һаман да, инерция буенча, республика дәүләт хакимиятенең билгеле бер органнары карарга тиешле социаль-икътисади һәм башка мәсьәләләр буенча күпсанлы мөрәҗәгатьләр килә”.


ТР Президенты матбугат хезмәте, 27.03.2013