Вакыйгалар хроникасы


Минтимер Шәймиев Мәскәү шәһәр Думасы рәисе Владимир Платонов белән очрашты

Бүген Татарстан Республикасы Дәүләт Киңәшчесе, “Яңарыш” республика фонды Попечительлек Советы рәисе Минтимер Шәймиев Мәскәү шәһәр Думасы рәисе Владимир Платонов белән очрашты.

Минтимер Шәймиев кунакка “Мәдәни мирас: борынгы Болгар шәһәре һәм Зөя утрау-шәһәрлеге” федераль дәрәҗәдәге мәдәни-тарихи проектны тәкъдим итте һәм дүрт елда бу борынгы шәһәрләрдә нинди эшләр башкарылганы турында сөйләде, аерым алганда объектларның “Яңарыш” фонды ярдәмендә төзелүенә һәм яңадан торгызылуына игътибар итте.

Владимир Платонов очрашуга кадәр булган, Казан Кремле буенча экскурсиядән алган тәэсирләре белән уртаклашты, ул Минтимер Шәймиевкә рәссам М.А.Морозовның “Старая Москва” картинасын бүләк итте.

Татарстан Республикасы Дәүләт Советы рәисе Фәрит Мөхәммәтшин катнашында очрашуда Мәскәү шәһәре өчен дә актуаль булган мәдәни-тарихи мирасны саклау проблемалары турында фикер алыштылар, шулай ук илдә җирле үзидарә проблемалары да искә алынды.

Кунакның Татарстанда булу программасында- Никахлашу сараена, Спортның су төрләре сараена, “Казан-Арена” стадионына һәм IT-паркка баруы каралган. Владимир Платонов шулай ук Зөя утрау-шәһәрлегендә булачак.


ТР Президенты матбугат хезмәте