Вакыйгалар хроникасы


Мәскәудән рәхмәт хаты

Татарстан Президенты Минтимер Шәймиев Татьяна Джугашвилидан хат алды. Анда әлеге ханым әтисе - Василий Иосифович Джугашвилиның (Сталинның) җәсәден Казаннан Мәскёүгә күчереп күмүдә күрсәтелгән ярдәм өчен рәхмәт белдерә.

"Сез озак еллар буе моңа омтылып яшәгән әниебез Мария Джугашвилиның бөтен тормышындагы бик мөһим эшен төгәлләүгә ярдәм иттегез. Казанда яшәгән елларның бик авыр булуына карамастан - башта әтиебез вафат булды, соңыннан әниебезне паралич сукты - без апам белән бу чорны җылы хисләр белән бик еш искә алабыз. Ике кызчыкка ярдәм иткән татарларның, шулай ук русларның да кайгыртуын һәм җылы мөнәсәбәтен һич тә онытырлык түгел... Һәм менә 40 елдан соң безнең өчен кайгылы, әмма бик мөһим вакыйгада - әтиебезне үз ватанына кире кайтаруда безгә яңадан Татарстан ярдәмгә килде", - диелә әлеге хатта.

Т.В.Джугашвили бу эштәге ярдәме өчен Казан хакимияте башлыгы Камил Исхаковка һәм "Ритуал" коммуналь предприятиесе генераль директоры Равил Кәримовка да рәхмәт белдерә.


"Ватаным Татарстан", 9 декабрь, 2002 ел