Минтимер Шәймиев Россия Федерациясе Хөкүмәтенең яңа составы билгеләвенә аңлатма бирде

Бүген Казан кремлендә Татарстан Президенты Минтимер Шәймиев Россия Федерациясе Хөкүмәтенең яңа составы билгеләвенә аңлатма бирде.

Минтимер Шәймиев билгеләп үткәнчә, Владимир Путин яңа Хөкүмәтне билгеләүне сайлаулар алдыннан ук, "үзенең икенче срокка сайланачыга ышанып, вакытны әрәм итмәс" өчен эшләде. "Хакимият яңа принципларга нигезләнеп формалаша, - диде Президент. - Һәм аны базар икътисады таләпләренә җавап бирерлек яңача идарә итәргә омтылу дип карарга кирәктер". "Үзгәрешләрне министрлыкларның саны азаю дип кенә карарга кирәк түгел, - диде Минтимер Шәймиев. - Аның мәгънәсе тирәндәрәк ята. Сүз өч баскычлы Хакимият турында турында бара. Анда вәкаләтләр дә, министрлыкларның роле дә төгәл билгеләнгән булырга тиеш".

"Идарә итүгә килгәндә - бу авыр эшләрнең берсе, - дип ассызыклады Татарстан Президенты. - Безнең бүгенге менталитетка туры килерме ул, әйтүе кыен. Әмма аны һаман шул килеш калдыру да дөрес булмас иде. Бу - бюрократия аппаратын җимерергә омтылу".

"Без яңа схемага ничек керербез, әле бу юнәлештә эш башланмады. Административ үзгәртеп корулар әлегә федераль дәрәҗәдә бара. Якын арада ул республика, өлкәләр буенча да үтәр. Шулай да без хакимияттә зур структуралы үзгәрешләр ясарбыз дип уйламыйм. Мондый эштә әкрен генә ашыгырга кирәк, бигрәк тә ТР Дәүләт Советына сайлаулар алдына торганда", - диде Президент. "Россиядә кебек бездә дә Хакимиятне Конституция буенча Президент сайлауларыннан соң алмаштырып була. Шуңа күрә Татарстан Дәүләт Советына сайлаулар үткәннән соң без яңа Хакимият яоставын тәкъдим итмәячәкбез" - диде М.Шәймиев. - Андый үзгәрешләр республикада Президент сайлауларыннан соң - 2006 елда гына мөмкин булачак".