ПАСХА БӘЙРӘМЕ БЕЛӘН!

2008 елның 26 апреле, шимбә

Татарстан Республикасы Президенты М.Ш.Шәймиев котлавы

Православие динендәге хөрмәтле ватандашлар!

Сезне чын йөрәктән нурлы бәйрәм - Христосның яңадан туу көне белән тәбрик итәм!

Дөньядагы барлык христианнар бу көнне игелек, гаделлек, кешелеклелек кебек төп рухи кыйммәтләрне гәүдәләндерүче бәйрәмнәрнең иң мөһиме, иң күркәме дип саныйлар. Язның шушы матур бәйрәме киләчәккә өметләрне яңарта, кешеләр күңеленә изге хисләр иңдерә, мәхәббәт һәм мәрхәмәт алып килә. Иисус Христос та бер-береңә карата игелекле булырга өндәгән.

Татарстан җирендә инде күп гасырлар буе православие ислам һәм башка традицион диннәр белән беррәттән, милләтләр һәм диннәр арасындагы татулыкның әхлакый нигезен тәшкил итә. Рухи һәм мәдәни мирасыбызның аерылгысыз өлешенә әверелгән христианлык идеаллары Гаилә елы гамәлләрендә тагын да ачыграк чагылыш табар дип ышанам.

Кадерле ватандашлар, өйләрегезгә бәхет һәм шатлык иңсен, гаиләләрегез имин һәм тату булсын. Пасха бәйрәменең күтәренке рухы яңа уңышларга ирешүдә көч-дәрт өстәсен!

Сезгә һәм барча туганнарыгызга, якыннарыгызга сәламәтлек, муллык һәм җан тынычлыгы телим.

Татарстан Республикасы Президенты М.Ш.Шәймиев

ЧИТАТЬ ВСЕ ПУБЛИКАЦИИ

Выступления, интервью

апрель, 2021 ел

Татарстан Республикасының Беренче Президенты, Татарстан Республикасы Дәүләт Киңәшчесе Минтимер Шәрип улы Шәймиевнең ТР Фәннәр академиясенең “Габдулла Тукай XX–XXI гасырлар мәдәни киңлегендә” конференциясендә чыгышы

Хөрмәтле ватандашлар! Кадерле кунаклар! Уважаемые соотечественники! Дорогие гости! Бөек Тукаебызның тууына 135 ел тулуга багышлап, төрки кардәшләребез, илебез төбәкләре галимнәре катнашында, зурлап үткәрелүче бүгенге фәнни җыен – гаять күркәм күренеш. Моның өчен барыгызга да зур рәхмәт! Бу җыен Габдулла Тукай иҗатының үзе яшәгән гасыр кысаларыннан чыгып, һәрдаим киләчәккә үрләп баруын дәлилләп тора. Димәк, Тукай һәрвакыт янәшәбездә!

май, 2020 ел

Минтимер Шәймиев: «Кыйблабыз дөреслеген тормыш үзе раслады»

Тарихның һәр чоры аерым шәхесләр эшчәнлеге белән бәйле. Татарстан тарихында Минтимер Шәймиев исеме аерым урын алып тора. Ул җитәкчелек иткән елларны еш кына «Шәймиев чоры» дип тә атыйлар. Чөнки беренче Президент җәмгыятьтәге бөтен үзгәрешләрнең үзәгендә кайнады, республика һәм милли мәсьәләләргә кагылышлы кызу бәхәсләр барганда хәлиткеч сүзне әйтте. «Ватаным Татарстан» газетасына Татарстанның беренче Президенты, Дәүләт Киңәшчесе Минтимер Шәрип улы ШӘЙМИЕВ үзгәртеп кору чоры, милләтара дуслык, республика һәм туган тел язмышы турында сөйләде.

апрель, 2020 ел

Минтимер Шәймиев: “Безгә маяклар кирәк!”

Татарстан Республикасының Беренче Президенты, Татарстан Республикасының Дәүләт Киңәшчесе Минтимер Шәрип улы Шәймиев белән милләт, мәгариф һәм тел язмышы мәсьәләләрен үз эченә алган әңгәмә кордык.

март, 2020 ел

Яңарыш” Фондына – ун ел. Минтимер Шәймиев, Татарстан Республикасы Дәүләт Киңәшчесе, “Яңарыш” Республика Фондының Попечительләр Советы Рәисе, ЮНЕСКОның мәдәниятара диалог буенча Махсус илчесе

Барыбыз да яхшы хәтерлибез: 2005 елда Казанның 1000 еллыгын бәйрәм итәр алдыннан Казан Кремле биләмәсендә тарихи Кол Шәриф мәчетен тергездек һәм Благовещение соборын яңарттык. Ул чакта бу биналарны торгызу өчен фонд оештырылды, анда республиканың зур һәм кече предприятиеләре, бөтен халкы катнашты. 1996 елда иген уңды, авыл кешеләре үз җыеннарында һәр гектардан берәр центнер ашлык сатып, акчасын Кол Шәриф мәчете төзелеше һәм Благовещение соборын торгызу исәбенә күчерергә карар итте. Һич күпертмичә әйтәм – бу вакыйга көчле рухи яңарыш башлануын дәлилләде. Алга таба ул 2010 елда без оештырган “Яңарыш” Фондының Болгар һәм Зөя шәһәрләрендәге тарихи–мәдәни истәлекләрен тергезү эшчәнлегенә бөтен халык ярдәме рәвешендә ачык чагылды. Биш елдан соң, замана таләбе буенча, эшчәнлегебез киңәйде, яңа проектлар барлыкка килде: бер үк вакытта без Болгар ислам академиясен төзү һәм Мәрьям ана Казан иконасы соборын тергезүгә тотындык.