Рөстәм Миңнеханов һәм Минтимер Шәймиев Казанда Сабантуй хөрмәтенә үткәрелә торган ат ярышларын карадылар
Татарстан Рәисе Рөстәм Миңнеханов һәм республика Дәүләт Киңәшчесе Минтимер Шәймиев «Казан» халыкара ат спорты комплексында булдылар, анда милли бәйрәм - Сабантуйга багышланган ат чабышлары узды.
Ярышларда Россиянең 17 төбәгеннән 140 ат катнашты. Барлыгы 14 приз уйнатыла. Алар арасында «Сабантуй - 2025» призы, «Татарстан Республикасы Атчылык һәм ат спорты федерациясе» призы, авыл хезмәтчәннәре хөрмәтенә бүләк һәм башкалар бар. Бәйрәм чаралары Татарстан Республикасы Авыл хуҗалыгы һәм азык-төлек министрлыгы ярдәмендә оештырылды.
«Казан» халыкара ат спорты комплексы холлында Татарстанның 20дән артык остасы үзләренең оригиналь товарларын тәкъдим итте: бизәнү әйберләре, йорт өчен декоратив элементлар, күн һәм агачтан эшләнгән әйберләр, сувенирлар һ.б. моннан тыш, кунакларны Казанча тегү, тамбур чигү һәм станокларда туку буенча мастер-класслар, шулай ук фермер продукциясе ярминкәсе көтте.
Балалар өчен шулай ук киң күңел ачу программасы әзерләнгән, аңа атларда һәм пониларда йөрү, милли конкурслар һәм интерактив мәйданчыклар керә.