Минтимер Шәймиев Рөстәм Миңнехановка «Яңарыш» фондының истәлекле китабын тапшырды

2025 елның 29 августы, җомга

Бүген «Казан Экспо» да Татарстан Рәисе Рөстәм Миңнеханов һәм ТР Дәүләт Киңәшчесе, РФ Хезмәт Герое Минтимер Шәймиев очрашты.

Минтимер Шәймиев Татарстан үсеш темпларын югары бәяләде. "Соңгы елларда республика актив үсә. Бу зур горурлык һәм шатлык хисләре уята", - диде ТР Дәүләт Киңәшчесе.

"Минтимер Шәрип улы, без сезнең белән бергә бер командада башкарган эшләргә нигезләнәбез", - диде Рөстәм Миңнеханов.

Шулай ук Минтимер Шәймиев Рөстәм Миңнехановка «Яңарыш» республика фондының 15 еллык эшчәнлегенә багышланган китап тапшырды. "Бу китап сезнең көчле ярдәмегез һәм ихлас шәхсән катнашыгыз белән күпмилләтле халкыбызның мәдәни мирасын һәм рухи халәтен бөтен халык алдында торгызуыбыз турында", - дип билгеләп үтте республиканың Дәүләт Киңәшчесе.

ТР Матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

октябрь, 2025 ел

Минтимер Шәймиев ТР Дәүләт Советы утырышында катнашты

Бүген С. Сәйдәшев исемендәге Дәүләт Зур концерт залында җиденче чакырылыш Дәүләт Советының ундүртенче утырышы узды. Көн тәртибендәге бердәнбер мәсьәлә Татарстан Республикасы Рәисенең республиканың эчке һәм тышкы хәле турында Дәүләт Советына еллык юлламасы иде.

октябрь, 2025 ел

Минтимер Шәймиев Михаил Пиотровский белән очрашты

Бүген Казан Кремлендә Татарстан Республикасы Дәүләт Киңәшчесе, «Яңарыш» республика фондының Попечительләр советы рәисе Минтимер Шәймиев Дәүләт Эрмитажының генераль директоры Михаил Пиотровский белән очрашты. Михаил Пиотровский Казанга «Эрмитаж – Казан» күргәзмә үзәгендә «Юсуповы. Роскошь сквозь века» ("Йосыповлар. Гасырлар аша зиннәт») күргәзмәсе ачылышына килгән. Күргәзмә 2005 елда Казанның 1000 еллыгын бәйрәм итү уңаеннан булдырылган Эрмитажның беренче вәкиллек үзәгенең 20 еллыгына махсус әзерләнгән.

сентябрь, 2025 ел

Минтимер Шәймиев Татарстан Республикасы Рәисе вазыйфасына керешү тантанасында катнашты

Бүген Казанда, Салих Сәйдәш исемендәге ДЗКЗда Татарстан Республикасы Рәисе вазыйфасына керешү уңаеннан тантаналы чаралар узды. Татарстан Республикасы Рәисе вазыйфасына керешү тантанасы Татарстан Республикасы Дәүләт Советы Рәисе Фәрит Мөхәммәтшинның кереш сүзеннән башланды. ТР Дәүләт Советы спикеры чарада катнашучыларны һәм мәртәбәле кунакларны сәламләде, алар арасында Россия Федерациясе Хөкүмәте Рәисе урынбасары Марат Хөснуллин, Россия Федерациясе Президентының Идел буе федераль округындагы Тулы вәкаләтле вәкиле Игорь Комаров, Россия Федерациясе Федераль Собраниесе Дәүләт Думасы Рәисе урынбасары Александр Бабаков, Татарстан Республикасының Беренче Президенты, Татарстан Дәүләт Киңәшчесе Минтимер Шәймиев, дустанә илләрнең Гадәттән тыш һәм Тулы вәкаләтле илчеләре, Россия Федерациясе субъектлары башлыклары, махсус хәрби операция Геройлары һәм башкалар бар иде.

ЯҢАЛЫКЛАРГА ЯЗЫЛУ