Татар егете Паралимпиадада 4 алтын медаль алды

2010 елның 22 марты, дүшәмбе
Башкортстанның Стәрлетамак шәһәреннән татар егете Ирек Зарипов Ванкуверда үткән паралимпиадада соклангыч уңышларга иреште. Биатлонда 4 алтын медаль яулады ул андагы киеренке бәйгеләрдә.

Ирек Зарипов 17 яшендә үк юл фаҗигасенә эләгеп ике аяксыз кала. Әмма тормышка булган сөюе һәм ныклы ихтыяр көче аны зур спортка алып килә. Рөстәм Батыров җитәкләгән инвалидлар җәмгыятенә килеп, спорт белән җитди шөгыльләнә башлый Ирек. Җиңел, авыр атлетика, йөзүдә, өстәл теннисында үзен сынап карый, республика ярышларында катнаша.

2004 елда республика җыелма комнадасында Россия чемпионатында катнашканда, киң билгеле биатлон һәм чаңгы тренеры Ирина Громова белән таныша И. Зарипов. "Башкортстанда Әмир Гомәров дигән бик әйбәт тренер бар, аңа мөрәҗәгать ит", - дип киңәш бирә И. Громова. Шулай итеп тырыш егет ике тренер кул астында ярышларга әзерләнә. Дүрт ай дигәндә Россия җыелма командасына кабул ителә ул. Ә 2006 елда Туринда дүртенче урынны ала.

МА "Татар-информ", 2010 елның 22 марты
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International