Р.Миңнехановка ТР Президенты вәкаләтләрен тапшыру турындагы мәсьәлә 4 февральдә каралачак

2010 елның 29 гыйнвары, җомга

Рөстәм Миңнехановка Татарстан Президенты вәкаләтләрен тапшыру турындагы мәсьәлә ТР Дәүләт Советының 4 февральгә билгеләнгән утырышында каралачак.

Бүген ТР Дәүләт Советы Рәисе урынбасары Александр Гусев үткәргән Дәүләт Советы Президиумы утырышында әнә шундый карар кабул ителде.

Искәртеп узабыз, 27 гыйнварда Россия Президенты Дмитрий Медведев Татарстан Президенты вәкаләтләрен тапшыру өчен Рөстәм Миңнеханов кандидатурасын тәкъдим итте.

Декабрь ахырында "Бердәм Россия" партиясе Татарстан Республикасы Президенты вазифасына өч кандидатура күрсәтте. Алар - республика Премьер-министры Рөстәм Миңнеханов, Татарстан Дәүләт Советы Рәисе Фәрит Мөхәммәтшин һәм Татарстан Президенты Минтимер Шәймиев.

22 гыйнварда М.Шәймиев Дмитрий Медведев белән очрашуда Татарстан Республикасы Президенты вазифасында үз вәкаләтләрен озайту турындагы мәсьәләне карамау үтенече белән мөрәҗәгать итте.

ТР Президентының вәкаләтләр вакыты 25 мартта чыга.

2010 елның 29 гыйнваре

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Минтимер Шәймиев: "Фәрит Мөхәммәтшин – илнең иң яхшы парламентарийларының берсе»

Татарстан Республикасы Дәүләт Киңәшчесе Минтимер Шәймиев кичә Фәрит Мөхәммәтшинның депутат һәм Дәүләт Советы Рәисе вәкаләтләрен вакытыннан алда туктатуы турындагы карарына бәйле рәвештә «Татарстан – Яңа Гасыр» телерадиокомпаниясенең «Семь дней» программасына интервью бирде.

март, 2026 ел

Минтимер Шәймиев: "Үзара хөрмәт һәм бер-беребезне аңлау халкыбызның югары ышанычын сакларга ярдәм итә»

"Үзара хөрмәт һәм бер-беребезне аңлау безгә халкыбызның югары ышанычын сакларга ярдәм итә", - дип белдерде бүген Татарстан Республикасы Дәүләт Киңәшчесе Минтимер Шәймиев Дәүләт Советы утырышында, Фәрит Мөхәммәтшинның депутат һәм Дәүләт Советы Рәисе вәкаләтләрен вакытыннан алда туктатуы турындагы карарына аңлатма биреп.

март, 2026 ел

Рөстәм Миңнеханов һәм Минтимер Шәймиев XIV Республика ифтарында катнаштылар

Бүген «Казан Экспо» халыкара күргәзмәләр үзәгендә XIV Республика ифтары узды. АндаТатарстан Рәисе Рөстәм Миңнеханов һәм республика Дәүләт Киңәшчесе Минтимер Шәймиев катнашты. Аларны Татарстан мөфтие Камил Сәмигуллин озата йөрде.

февраль, 2026 ел

Рөстәм Миңнеханов һәм Минтимер Шәймиев Ватанны саклаучылар көненә багышланган тантанада катнашты

Бүген "Казан Экспо" ХКҮ мәйданчыгында, Илһам Шакиров исемендәге залда Ватанны саклаучылар көненә багышланган тантаналар узды. Анда Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Татарстан Республикасы буенча Баш федераль инспектор Виктор Демидов һәм башкалар катнашты.

ЯҢАЛЫКЛАРГА ЯЗЫЛУ