Казан Суворов хәрби училищесында беренче курс студентларына погоннар тапшырылды

2009 елның 31 октябре, шимбә
31 октябрьдә Суворов хәрби училищесында тантаналы чара узды - беренче курста укчы 40 яшүсмергә погоннар һәм суворовчы таныклыклары тапшырдылар.

Әлеге чарага аларның әти-әниләре, шулай ук мактаулы кунаклар - Бөек Ватан сугышы ветераннары Борис Кузнецов һәм Клавдий Шестаков килде.

Быел училищега керүчеләрнең барысы да - ятимнәр. "Россия оборона министрының боерыгы шундый иде, - диде журналистларга училище башлыгы Александр Бородин. - Мин моны дөрес позиция дип саныйм, Суворов училищесы бюджет хисабына яши, шунлыктан анда ятимнәр һәм хәрбиләрнең балалары укырга тиеш".

Училище башлыгы беренче курста белем алучыларны нәкъ менә Казан Суворов училищесын сайлап алулары белән тәбрикләде. "Бу - сезнең беренче җиңүегез, алда мондый җиңүләр тагын булачак. Бары тик яхшы билгеләренә генә укыгыз", - диде ул.

Погоннар тапшыру - суворовчылар тормышында мөһим вакыйга. Бу көнгә алар яхшылап әзерләнә. Училище җитәкчелеге аларга бер атнага туганнары янына кайтып килергә рөхсәт бирде.

МА "Татар-информ", 2009 елның 31 октябре
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International