Казанның опера һәм балет театрында - "Шүрәле" балеты

2009 елның 13 октябре, сишәмбе

17 һәм 18 октябрьдә М.Җәлил исемендәге Татар дәүләт опера һәм балет театрында композитор Фәрит Яруллинның һәм либретто авторы Әхмәт Фәйзинең "Шүрәле" балеты уйналачак.

"Шүрәле"нең премьерасы Казанда 1945 елның 12 мартында куела. 1950 елда спектакль Киров (хәзерге Мариин) театрында "Али-Батыр" исеме белән уйнала. Ленинградта тәкъдим ителгән премьераны Советлар Союзының барлык танылган опера һәм балет театрлары, шулай ук Болгария, Румыния, Чехословакия, Польша, Алмания, Мексика кебек чит илләр театрлары сәхнәләштерә.

М.Җәлил исемендәге опера һәм балет театрының матбугат хезмәте хәбәренә күрә, быелның июнендә "Ак төннәр йолдызлары" фестивале кысаларында Санкт-Петербургның Мариин театры "Шүрәле" балетын яңадан күрсәтә. Премьераның музыка җитәкчесе һәм дирижеры Валерий Гергиев була, баш партияләрне Мариин театры солистлары башкара.

Беренче премьера тәкъдим ителгән көннән, "Шүрәле" балеты М.Җәлил исемендәге театр сәхнәсеннән төшми. Спектакль 1952, 1957, 1970, 1986 һәм 2000 елларда куела. 17 һәм 18 октябрьдә хореограф Леонид Якобсон җитәкчелегендәге бию осталары башкарачак куелышта баш партияләрне М.Җәлил исемендәге Татар дәүләт опера һәм балет театры солистлары уйнаячак.

МА "Татар-информ", 2009 елның 13 октябре

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

Минтимер Шәймиев Дан Мемориалы колоннадасының Мәңгелек утына чәчәкләр салу тантанасында катнашты

Бүген Казанда, Җиңү паркында Дан Мемориалы колоннадасының Мәңгелек утына чәчәкләр салу тантанасы булды. Анда Татарстан Рәисе Рөстәм Миңнеханов, Татарстан Дәүләт Киңәшчесе, Россия Хезмәт Герое Минтимер Шәймиев, Татарстан Премьер-министры Алексей Песошин, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин катнашты.

май, 2026 ел

Минтимер Шәймиев Бөек Ватан сугышында Җиңүнең 81 еллыгына багышланган тантанада катнашты

Бүген Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 81 еллыгына багышланган тантана узды. Анда Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советының мактаулы рәисе Фәрит Мөхәммәтшин, Хакимият ТР Рәисе Администрациясе җитәкчесе Әсгать Сәфәров, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ