Татарстан лидерлыкка омтыла

2009 елның 25 сентябре, җомга

Кичә башкалабызның Ратуша бинасында Россия II технологик туры ачылды. Аны ачу тантанасында ТР Премьер-министры Рөстәм Миңнеханов, Европа Технологик тур ассоциациясе президенты Свен Лингъярд, Россия Технологик тур ассоциациясе президенты Константин Фокин катнашты.

Технологик турда катнашучылар һәм кунакларны ТР җитәкчелеге исеменнән Премьер-министр Рөстәм Миңнеханов сәламләде. "Казанның, Мәскәү һәм Томск белән беррәттән, технологик тур программасына очраклы гына кертелмәвенә иманым камил. Татарстан югары технологияләрне үстерү стратегиясен актив төстә тормышка ашырып килә. Республикабыз РФдә инновация үзәкләренең берсе булып тора", – диде ул. Премьер "Идея" технопаркының, "Мастер" Кама индустриаль паркы, Алабуга махсус икътисадый зонасының инновация продукциясен эшләү һәм гамәлгә кертүнең чын мәгънәсендә үзәкләренә әйләнүен билгеләп үтте.

"Тәҗрибәбезне илебезнең башка төбәкләренең дә актив куллануын әйтеп үтү күңелгә рәхәтлек бирә. Хәзерге вакытта без Татарстан Республикасын Россиядә IT-индустрияне үстерү буенча лидерга әйләндерү бурычын куябыз", – дип ассызыклады Рөстәм Миңнеханов.

Технологик турны ачу тантанасыннан соң Россия технологик тур ассоциациясе президенты Константин Фокин журналист-ларга әлеге чараның Европа илләрендә 4-5 елга бер тапкыр уздырылуын хәбәр итте.

Газета "Ватаным Татарстан", 2009 елның 25 сентябре

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

Минтимер Шәймиев Дан Мемориалы колоннадасының Мәңгелек утына чәчәкләр салу тантанасында катнашты

Бүген Казанда, Җиңү паркында Дан Мемориалы колоннадасының Мәңгелек утына чәчәкләр салу тантанасы булды. Анда Татарстан Рәисе Рөстәм Миңнеханов, Татарстан Дәүләт Киңәшчесе, Россия Хезмәт Герое Минтимер Шәймиев, Татарстан Премьер-министры Алексей Песошин, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин катнашты.

май, 2026 ел

Минтимер Шәймиев Бөек Ватан сугышында Җиңүнең 81 еллыгына багышланган тантанада катнашты

Бүген Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 81 еллыгына багышланган тантана узды. Анда Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советының мактаулы рәисе Фәрит Мөхәммәтшин, Хакимият ТР Рәисе Администрациясе җитәкчесе Әсгать Сәфәров, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ