Казанның 177 мәктәбендә республика педсоветы узачак

19 августта Казанның 177 нче урта мәктәбендә республика мәгариф һәм фән хезмәткәрләренең август киңәшмәсе уза. Быел педсоветның пленар утырышы "Татарстан Республикасында мәгариф: хәзерге торышы, проблемалар һәм үсеш перспективалары" дигән темага багышлана.

ТР Мәгариф һәм фән министрлыгының рәсми сайт хәбәрләреннән күренгәнчә, утырышта республика җитәкчелеге, РФ Мәгариф һәм фән министрлыгының Мәгариф буенча федераль агентлыгы җитәкчесе Н.Булаев, РФ Дәүләт Думасы һәм ТР Дәүләт Советы депутатлары, төрле министрлык һәм ведомство вәкилләре, район башлыклары, уку йортлары һәм урыннардагы мәгариф бүлекләре җитәкчеләре, иҗтимагый оешмалар вәкилләре катнашуы көтелә.

Фикер алышуга ТРның мәгариф системасын үстерү, федераль дәүләт белем бирү стандарты үзенчәлекләренә кагылышлы мәсьәләләр чыгарыла.

Киңәшмәнең турыдан-туры трансляциясен республика белем бирү порталында mms://media.ksu.ru/video адресы буенча карарга мөмкин булачак.