Республикада "ТР инновацияле идеяләрен үстерү клубы" төзелә

2009 елның 13 августы, пәнҗешәмбе

Тиздән "Идея" технопаркы базасында "ТР инновацияле идеяләрен үстерү клубы" ачылачак. Оешманың вазифасы клуб әгъзалары белән инновацион эшләнмәләрнең потенциаль заказчылары булган эре бизнес вәкилләре арасында үзара хезмәттәшлек булдырудан гыйбарәт. Ул шулай ук республикада социаль-икътисади, фәнни-гамәли, мәдәни, экология, инновацияле эшчәнлекне үстерү һәм инновацияле проектларны гамәлгә ашыру белән бәйле мәсьәләләргә заманча чишелешләр табуны максат итә.

"Идея" технопаркының матбугат хезмәте хәбәр итүенчә, клуб әгъзалары заманча җәмгыятьтә инновацияле эшчәнлек һәм белемнең абруен күтәрү, инновациялне проектларны әзерләү, гамәлгә ашыру, кадрлар әзерләү кебек мәсьәләләрне чишү белән шөгыльләнәчәк. Аерым проблемалар буенча башка хезмәттәш оешмалар белән мәгълүмат алмашу да клуб вазифаларына керә.

"ТР инновацияле идеяләрен үстерү клубы" үз сафларында инновацияле эшчәнлек алып баручы һәм проектлар эшләүче оешмалар вәкилләрен берләштерәчәк. "Идея-1000" дигән инновацияләр конкурсы финалистлары, теләк белдергәндә, әлеге клуб составына сынауларсыз гына кабул ителә.

МА "Татар-информ", 2009 елның 13 августы

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев ТР Муниципаль берәмлекләре советының XX съезды эшендә катнашты

Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ