Татарстандагы оборона-сәнәгать комплексы предприятиеләре җитәкчеләре белән очрашу узды

ТР Сәнәгать һәм сәүдә министрлыгында республика территориясендәге оборона-сәнәгать комплексы предприятиеләре җитәкчеләре белән очрашу узды. Аның эшендә ТР Премьер-министры урынбасары Нәзир Киреев, сәнәгать һәм сәүдә министры Равиль Зарипов, ТР Предприятиеләре һәм эшмәкәрләре ассоциациясе президенты Александр Лаврентьев катнашты.

Агымдагы елның 30 мартында ТР Премьер-министры Рөстәм Миңнеханов белән РФ сәнәгать һәм сәүдә министры урынбасары Денис Мантуров Горбунов исемендәге Казан авиация-җитештерү берләшмәсендә республиканың оборона-сәнәгать комплексы предприятиеләре җитәкчеләре катнашында киңәшмә уздырган иде. Анда Татарстан территориясендәге оборона предприятиеләренә дәүләт ярдәме күрсәтү чаралары хакында сүз барды. Аерым алганда, дәүләт оборона заказларының үтәлеше, предприятиеләрнең финанс-икътисади хәле, бүгенге шартларда әлеге өлкәне кредитлаудагы проблемалар хакында сүз булды.

Әлеге март киңәшмәсе йомгаклары буенча йөкләмәләр беркетмәсе имзаланган иде. ТР Сәнәгать һәм сәүдә министрлыгында узган киңәшмәдә шул документның үтәлеше тикшерелде, дип хәбәр итә министрлыкның матубгат хезмәте. Мәсәлән, әлеге беркетмә нигезендә республика предприятиеләре РФ Сәнәгать һәм сәүдә министрлыгына федераль программаларда катнашуга заявкалар биргән. Киңәшмәдә оборона предприятиеләренең кредитлар буенча процентлар түләүдәге чыгымнарының бер өлешен каплауга субсидияләр бирү мәсьәләсе дә күтәрелгән. Министр Равиль Зарипов хәбәр итүенчә, беркетмәнең үтәлеше якын арада Мәскәүдә РФ сәнәгать һәм сәүдә министры Денис Мантуров катнашында узачак киңәшмәдә дә тикшереләчәк.