ТР Транспорт һәм юл хуҗалыгы министрлыгында зональ киңәшмә үткәрелә

5 августта ТР Транспорт һәм юл хуҗалыгы министрлыгында Татарстан хезмәт базарындагы киеренкелекне киметүгә юнәлтелгән өстәмә чараларны гамәлгә ашыру мәсьәләсе буенча зональ киңәшмә үткәрелә.

ТР транспорт һәм юл хуҗалыгы министры урынбасары Александр Тыгин рәислегендә уздырыла торган әлеге чарада ТР төзелеш, архитектура һәм торак-коммуналь хуҗалык министры урынбасары Рафик Зәһретдинов, ТР Хезмәт, мәшгульлек һәм социаль яклау министрлыгының эшкә урнаштыру һәм махсус программалар бүлеге җитәкчесе Ринат Хөснетдинов, республиканың Арча, Әтнә, Балтач, Әлки, Саба, Теләче, Биектау, Кукмара, Аксубай, Нурлат муниципаль районнары хакимияте башлыклары һәм ул районнарның мәшгульлек үзәкләре, юл хезмәте, җирле үзидарә җитәкчелеге вәкилләре һ.б. катнаша.

Бүгенге зональ киңәшмәгә чыгарылган Татарстан Республикасында глобаль финанс кризис йогынтысы нәтиҗәсендәге каршылыкларны җиңеп чыгуда кисәтү чараларының комплекслы планы буенча кабул ителгән региональ программасы белән хезмәт базарында торак-коммуналь хуҗалык өлкәсендәге һәм юл-транспорт комплексындагы киеренкелекләрне киметүгә юнәлтелгән өстәмә чараларны гамәлгә ашыру, Татарстан муниципаль районнарында хезмәт базарында федераль законнар һәм ТР законнарының үтәлешен оештыру кебек төп мәсьәләләр буенча югарыда әйтелгән министрлыклар вәкилләре ачыклык кертә, күп санлы сорауларга җавап бирә.