Чаллыда бер тәүлек дәвам итәчәк эстафетага старт бирелде
2009 елның 4 августы, сишәмбе
Эстафетада беренчеләрдән булып Чаллы шәһәре мэры Илдар Халиков старт алды, ул эстафета таягын әлеге чарада катнашу өчен Казаннан махсус килгән ТР яшьләр эшләре, спорт һәм туристлык министры Марат Бариевка тапшырды. Аннары эстафета таягын танылган Чаллы спортчысы Фирая Солтанова-Жданова кабул итеп алды.
Чаллы шәһәре мэры Илдар Халиков мондый зур чарада әле беренче тапкыр гына катнашуын әйтте. "Мин Чаллыда яшәүчеләрнең бу чараны үткәрүенә бик тә шат. Аның Татарстанда Спорт һәм сәламәт яшәү рәвеше елында узуы аеруча куанычлы", - диде ул.
Бу көннәрдә "Төзүче" стадионында эчке эшләр идарәсенең 478 хезмәткәре көчәйтелгән режимда эшләячәк. Стадионда ашыгыч медицина ярдәменең ике бригадасы һәм дүрт фельдшер бригадасы тәүлек әйләнәсе кизү торачак.
Эстафетада катнашучы һәркемне фотога һәм видеога төшерәләр. Фотосурәтләр һәм видеоязмалар алга таба рекордны раслау өчен база булып хезмәт итәчәк. Аларны Лондонга Гиннесның рекордлар китабы редакциясенә җибәрәчәкләр.
Физик мөмкинлекләре чикләнгән кешеләр, туй күлмәге кигән кызлар, спортчылар һәм мәктәп укучылары 100 метр араны йөгереп узды инде.
Рекорд кую өчен эстафетада катнашучыларга 100 метр араны уртача алганда 20 секундта буйсындырырга кирәк.
Иртәгә 11.00 сәгатьтә Чаллының Россия рекордын куйганмы-юкмы икәнлеге билгеле булачак.
СОҢГЫ ЯҢАЛЫКЛАР
18
декабрь, 2025 ел
Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.
11
декабрь, 2025 ел
Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды.
Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.
9
декабрь, 2025 ел
Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде.
Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.
4
ноябрь, 2025 ел
Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз