Бүген Татарстан Республикасының Беренче Президенты, Татарстан Республикасы Дәүләт Киңәшчесе Минтимер Шәймиев туган көне белән котлаулар кабул итә. Аның адресына дәүләт, төбәк һәм республика җитәкчеләреннән, җәмәгатьчелек вәкилләреннән, фән, мәгариф һәм мәдәният эшлеклеләреннән, ил һәм Татарстан халкыннан күпсанлы котлаулар килә. Минтимер Шәймиевне 88 яшьлек юбилее белән телефоннан Россия Федерациясе Президенты Владимир Путин котлады.

Бүген Татарстан Республикасы Дәүләт Киңәшчесе Минтимер Шәймиев «Теләкләр чыршысы» бөтенроссия хәйрия гамәлендә катнашты. Аны «Теләкләр чыршысы» янында балалар – «Беренчеләр хәрәкәте» федераль яшьләр оешмасы әгъзалары, «Адымнар» кхптелле белем бирү комплексы укучылары каршы алды.

ТР Дәүләт Киңәшчесе Минтимер Шәймиев Россия Федерациясе Президенты Владимир Путинның Рәхмәтенә лаек булды. Бүген аңа бүләкне Татарстан Республикасы Рәисе Рөстәм Миңнеханов тапшырды.

Бүген, Энергетик көне алдыннан, Татарстан Республикасы Дәүләт Киңәшчесе, «Яңарыш» республика фонды рәисе Минтимер Шәймиев Казан Кремлендә «Сетевая компания» ААҖ генераль директоры Илшат Фәрдиев белән очрашты.