Хельсинкида Халыкара татар җанлы музыкасы фестивале узачак

2009 елның 4 августы, сишәмбе
14-16 август көннәрендә Финляндия башкаласы Хельсинки шәһәрендә Халыкара җанлы татар музыкасы фестивале узачак дип көтелә.

Быел фестиваль кысаларында яңа заманча музыка иҗат итүче татар яшьләрен берләштерү, татар альтернатив музыкасы потенциалын үстерү күздә тотыла. Чараны оештыручы - күренекле татар рок-музыканты, Финляндия татарлары җәмгыяте җитәкчесе Дәнис Бәдретдин фикеренчә, татарларның яңа буыны музыкасы булып саналган "альтернатив музыка" милләтебезнең көй сәнгатен бөтен дөнья күләмендә танытачак. Мисал итеп Австралиядә яшәп иҗат итүче, бөтен дөньяда танылган җырчы Зөлфия Камалованы атарга була.

Быел фестивальдә Татарстаннан "Алканат", "Иттифак", Мубай һәм Галиянең чыгышы көтелә. Фин татарлары исә "Yabalak" һәм "Tukay bross and sister girl"төркемнәрен тәкъдим итәр дип көтелә. Анда республикабыз, Мәскәү, Санкт-Петербургтан да музыка сөючеләренең килүе планлаштырыла, дип хәбәр итә "Татарлар.ру" сайты.

МА "Татар-информ", 2009 елның 4 августы
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International