Татарстанда бер миллион тонна ашлык җыеп алынды

Татарстан 1 миллион 28 мең 400 тонна ашлык суктырылды. Игеннәр 416,1 мең гектар мәйданда җыеп алынды, бу бөртекле культуралар чәчелгән мәйданнарның 25 проценты дигән сүз. Республикада уртача уңыш гектарыннан 24,7 центнер (узган ел - 34,8 центнер) тәшкил итә. Бу хакта ТР Авыл хуҗалыгы һәм азык-төлек министрлыгыннан хәбәр иттеләр.

Нурлат районында игеннәр 53 процент мәйданда җыеп алынган. 70 мең тонна ашлык суктырылган, уртача уңыш гектарыннан 30,5 центнер тәшкил итә. Зәй районында бөртекле һәм бөртекле-кузаклы культуралар 42 процент мәйданда җыеп алынган. 35,6 мең тонна ашлык суктырылган. Уртача уңыш гектарыннан 20,1 процент тәшкил итә. Алексеевски районы аграрийлары игеннәрне 39 процент мәйданда җыеп алган. 45,2 мең тонна ашлык суктырылган. Уртача уңыш гектарыннан 25 процент тәшкил итә.

Яңа Чишмә районы игенчеләре игеннәрне 33 процент мәйданда җыеп алган. 18 мең тонна ашлык суктырылган. Уртача уңыш гектарыннан 11 процент тәшкил итә. Әлки районында бөртекле культуралар 31 процент мәйданда җыеп алынган. 49,9 мең тонна ашлык җыеп алынган. Уртача уңыш гектарыннан 32,2 центнерга җитә. Минзәлә районында бөртекле һәм бөртекле-кузаклы культуралар чәчелгән мәйданнарның 31 процентында игеннәр җыеп алынган. 44,9 мең тонна ашлык суктырылган. Уртача уңыш гектарыннан 30,2 центнер тәшкил итә.