10-16 август көннәрендә Татарстанда III Бөтенроссия мөселман яшьләре фестивале узачак

2009 елның 4 августы, сишәмбе

Татарстанда III Бөтенроссия мөселман яшьләре фестивале узачак. Фестиваль 10 августта Кол Шәриф мәчетендә ачыла. Бу хакта "Татар-информ" агентлыгына ТР Министрлар Кабинеты каршындагы Дин эшләре идарәсеннән хәбәр иттеләр.

Фестивальне ТР Яшьләр эшләре, спорт һәм туристлык министрлыгы, ТР Министрлар Кабинеты каршындагы Дин эшләре идарәсе, ТР мөселманнары Диния нәзарәте, Россия Ислам университеты, РФдә яшәүче татарларның Федераль милли-мәдәни мохтарияте, "Идел" яшьләр үзәге оештыра.

Чараның төп максаты - Россия Федерациясе төбәкләре һәм чит илдә яшәүче мөселман яшьләрен берләштерү, яшь мөселманнарны борчыган проблемаларны бергәләп хәл итү өчен хезмәттәшлекне җайга салу. Фестивальнең бурычы: мөселман оешмаларына методик һәм гамәли ярдәм күрсәтү, үзара тәҗрибә уртаклашу.

Фестиваль кысаларында яшьләрне борчыган проблемалар буенча семинарлар һәм түгәрәк өстәлләр, галимнәр, дин һәм җәмәгать эшлеклеләре белән очрашулар үткәрү күздә тотыла. Чарада Россиянең күп кенә төбәкләре, шулай ук Татарстаннан вәкилләр катнашыр дип көтелә.

МА "Татар-информ", 2009 елның 4 августы

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

Минтимер Шәймиев Дан Мемориалы колоннадасының Мәңгелек утына чәчәкләр салу тантанасында катнашты

Бүген Казанда, Җиңү паркында Дан Мемориалы колоннадасының Мәңгелек утына чәчәкләр салу тантанасы булды. Анда Татарстан Рәисе Рөстәм Миңнеханов, Татарстан Дәүләт Киңәшчесе, Россия Хезмәт Герое Минтимер Шәймиев, Татарстан Премьер-министры Алексей Песошин, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин катнашты.

май, 2026 ел

Минтимер Шәймиев Бөек Ватан сугышында Җиңүнең 81 еллыгына багышланган тантанада катнашты

Бүген Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 81 еллыгына багышланган тантана узды. Анда Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советының мактаулы рәисе Фәрит Мөхәммәтшин, Хакимият ТР Рәисе Администрациясе җитәкчесе Әсгать Сәфәров, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ