ТР Президенты берничә законны имзалады

2009 елның 31 июле, җомга
31 июль көнне Татарстан Республикасы Президенты Минтимер Шәймиев “Татарстан Республикасы Җир кодексына үзгәрешләр кертү турында” һәм “2006–2010 елларда Татарстан Республикасында энергия ресурсларының нәтиҗәлеге” Программасын раслау турында”гы Татарстан Республикасы Законына үзгәрешләр кертү хакында”гы ТР законнарын имзалады.

Беренче закон тарафыннан Татарстан Республикасы Җир кодексына шәһәр яны зоналарының чикләре һәм хокукый режимы, гражданнарга печән чабу һәм көтү көтү өчен җир кишәрлекләре бүлеп бирүнең шартлары турындагы нигезләмәләр, шулай ук төгәллек кертү характерындагы башка нигезләмәләр өстәлә.

Икенче закон нигезендә “2006–2010 елларда Татарстан Республикасында энергия ресурсларының нәтиҗәлеге” Программасы белән идарә итү, әлеге өлкәдәге инвестиция сәясәте, Программа үтәлешен контрольдә тотуга кагылышлы Татарстан Республикасы башкарма хакимият органнары компетенциясенә үзгәрешләр кертелә.

Закон текстлары рәсми төстә гаммәви мәгълүмат чараларында басылып чыгачак, дип хәбәр итә ТР Президентының матбугат хезмәте.

2009 елның 31 июле
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International