Казанда хаҗ сәфәренә багышланган II халыкара конференция узачак

2009 елның 23 июне, сишәмбе
29 июнь - 1 июль көннәрендә "Корстон" кунакханә-сәүдә-күңел ачу комплексында "Хаҗ сәфәре: бүгенгесе һәм үткәне" дип исемләнгән II халыкара җыен узачак. Чарада Россия, БДБ һәм Балкан ярымутравы илләреннән, шулай ук изге сәфәрне оештыруда күпьеллык тәҗрибәләре булган Малайзия, Күвәйт, Согуд Гарәбстаны, Төркия, Индонезиядән танылган хаҗ оештыручылары катнашыр дип көтелә.

ТР мөселманнары Диния нәзарәте матбугат хезмәте белдерүенчә, конференциядә хаҗ сәфәре белән бәйле мәсьәләләр карала. Россия хаҗ-операторлары исә сәфәрне югары дәрәҗәдә уздыру юнәлешендә мониторинг уздырулары белән уртаклашачак. Шул ук вакытта алар изге сәфәрне оештырганда туа торган проблемаларны хәл итүдә федераль һәм төбәк дәрәҗәсендә нәтиҗәле механизмнар булдыру кирәклеге турында да сөйләшәчәкләр. Моннан тыш, җыенда "Идел-хаҗ" төбәкара хаҗ үзәге тарафыннан эшләнгән стандартларны Россиядә куллану хакында да сүз була, диелә әбәрдә.

Конференциянең соңында резолюция кабул ителеп, җыенның тәкъдимнәре хаҗ-операторларга, РФнең Хаҗ эшләре буенча советына, Согуд Гарәбстаны Корольлегенең Хаҗ эшләре буенча министрлыгына җибәреләчәк, мөселман Интерет-сайтларында урын алачак.

Конференция ИРСИКА оешмасы, Ауразия Ислам советы, ТР мөселманнары Диния нәзарәте һәм "Идел-хаҗ" төбәкара хаҗ үзәге белән берлектә оештырыла.

МА "Татар-информ", 2009 елның 23 июне
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International