Казан беренче тапкыр "Инфофорум-Евразия" форумын кабул итә
2009 елның 19 июне, җомга
Казанда 19-20 июнь көннәрендә узачак форумда Белоруссия, Таҗикстан, Молдова, Үзбәкстан һәм БДБның башка илләреннән 100 дән артык закон чыгару органы вәкилләре катнашыр дип көтелә.
"Инфофорум" кысаларында узучы түгәрәк өстәлләрдә әлеге чарада катнашучылар документларның электрон әйләнешенә бәйле мәсьәләләр, персональ мәгълүматларны тапшыруга кагылышлы проблемалар, шулай ук Интернетта балаларны яклау мәсьәләләре хакында фикер алышачак. Форумда катнашучылар һәм кунаклар өчен күргәзмә оештырылачак, анда Казанның IT-индустрия предприятиеләре, шулай ук Мәскәүнең 5 компаниясе үзләренең иң яңа эшләнмәләрен тәкъдим итә. Татарстан "Электрон Хөкүмәте"нең дә үз стенды булачак.
"Инфофорум" кысаларында БДБ илләре парламентлары әгъзалары мәгълүмати куркынычсызлык өлкәсендә норматив-хокукый актлар эшләүгә гомуми алымнар булдырырга, үз хезмәттәшләренең уңай тәҗрибәсе белән танышырга, үзара фикер алышырга ниятли.
20 июньдә форумда катнашучылар Казан Сабан туен тамаша кылачак.
"Инфофорум-Евразия"не Дәүләт Думасының Куркынычсызлык комитеты, Татарстан Республикасы Министрлар Кабинеты, РФ Элемтә һәм гаммәви коммуникацияләр, Эчке эшләр министрлыклары, мәгълүмати технологияләр Федераль агентлыгы, Татарстан Республикасы Мәгълүматлаштыру һәм элемтә министрлыгы, "Инфофорум" Коммерцияле булмаган партнерлыгы оештыра. "Инфофорум"ны оештыру комитетының генераль партнерлары - "Microsoft" һәм "Sun Microsystems".
СОҢГЫ ЯҢАЛЫКЛАР
18
декабрь, 2025 ел
Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.
11
декабрь, 2025 ел
Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды.
Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.
9
декабрь, 2025 ел
Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде.
Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.
4
ноябрь, 2025 ел
Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз