Татарстанда РФ Пенсия фонды акчаларын җәлеп итеп социаль программаны гамәлгә ашыралар

2009 елның 22 июне, дүшәмбе
Татарстан Премьер-министры Рөстәм Миңнеханов ТР Хөкүмәтенең "Татарстан Республикасы территориясендә Россия Федерациясе субсидияләрен җәлеп итеп социаль программаларны гамәлгә ашыру турында"гы карарына кул куйды.

Программаның төп максаты - эшләми торган пенсионерларның, шул исәптә Татарстан Республикасы халкына стационар учреждениеләрдә социаль хезмәт күрсәтү шартларын яхшырту.

Программаның финанслауның гомуми күләме 124977,6 мең сум тәшкил итә, аның 48 миллионы - Россия Федерациясе Пенсия фонды субсидияләре.

РФ Пенсия фонды бюджетыннан бүлеп бирелә торган өстәмә акчаларны Татарстан Республикасы Хезмәт, мәшгульлек һәм социаль яклау министрлыгының 102 урынлы "Өлкәннәр һәм инвалидлар өчен Федоров махсус интернат-йорты" дәүләт бюджет учреждение бинасын капиталь ремонтлауга, шулай ук 100 урынлы "Өлкәннәр һәм инвалидлар өчен Казан интернат-йорты" дәүләт бюджет учреждение бинасын төзекләндерүгә юнәлдереләчәк.

Шулай ук программаны гамәлгә ашыру нәтиҗәсендә Татарстанның 202 эшләми торган пенсионерын стационар учреждениеләрдә һәм 23 мең эшләми торган пенсионерга адреслы социаль ярдәм итү исәбенә яшәү шартларын яхшырту планлаштырыла, дип хәбәр итә ТР Хезмәт, мәшгульлек һәм социаль яклау министрлыгының матбугат хезмәте.

МА "Татар-информ", 2009 елның 22 июне
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International