ТР Икътисад министрлыгында Бөтендөнья банкы вәкилләре катнашында видеоконференция булды

ТР Икътисад министрлыгында Бөтендөнья банкы вәкилләре катнашында видеоконференция булды.

Бөтендөнья банкы экспертлары инновацияләр өлкәсендә республика стратегиясен камилләштерергә һәм инновацион өлкәдә сәясәт формалаштыруда яхшы нәтиҗәләргә ирешергә, Татарстан предприятиеләренең реаль инновацион дәрәҗәсен билгеләргә ярдәм итәчәк.

Моннан тыш, абруйлы белгечләр инновацион форум "макет"ын эшләячәк һәм тәкъдим итәчәк. Икътисад министры Марат Сафиуллин бу форумны даими үткәрергә кирәк, дип саный. Татарстанның инновацион форумы чаралары Россия һәм дөнья базарында республика икътисады модельләрен аерылып торган югары дәрәҗәдәге көндәшлелеккә ия итеп урнаштырырга мөмкинлек бирергә тиеш.

Марат Сафиуллин чираттагы видеоконференциядә югарыда әйтелгән хезмәттәшлек юнәлешләре буенча киңәшмә үткәрде. Анда Вашингтон офисының халыкара финанс оешмасы ягыннан Шәхси һәм финанс сектор үсеше департаменты директоры (Ауропа һәм Үзәк Азия төбәге) Фернандо Монтес-Негре, шулай ук департаментның белгечләре катнашты.

Киңәшмәдә Татарстан ягыннан Икътисад министрлыгы белгечләре, ТР Иҗтимагый палата вәкилләре һәм ТР Фәннәр академиясе хезмәткәрләре катнашты.

"Республиканың инновацион өлкәсендә чынбарлыкка объектив бәя булу, бу юнәлешкә җәлеп ителгән структураларның эшчәнлек синхронизациясе механизмнары белән идарә итү, үзара мөнәсәбәтләр культурасын булдыру, аерым күрсәткечләрне һәм нигә республикада аерым юнәлешләр буенча инновацион эшчәнлекнең нәтиҗәсе юк? соравына җавапны сканерлау инструментын булдыру бик мөһим", - дип ассызыклады Марат Сафиуллин.

Аның сүзләренчә, бу эшләр өчен "технологик аудит" (инновация һәм технологияләр өлкәсендә төгәл өстенлекләрне бәяләү), республиканың фәнни-тикшеренү үзәкләрнең оештыру, инновацион структуралар һәм финанс инструментларының нәтиҗәлелеген бәяләү үткәреләчәк.

Моннан тыш, республика өчен "инновацияләр коммерциализациясе" халыкара һәм Россия тәҗрибәсе кызыклы. Шул максаттан Бөтендөнья банкының Белгород һәм Томск өлкәләрендә инновацион эшчәнлектә үзара мөнәсәбәтләр практикасы өйрәнеләчәк. Хәзерге вакытта Икътисад министрлыгында югарыда саналып үткән юнәлешләр буенча абруйлы халыкара төркем белән эш дәвам итә, Россия 1992 елның июненнән бирле аның структурасында тулы хокуклы әгъза статусына ия. Банк экспертлары республикада инновацион эшчәнлекне тәэмин итү буенча хокукый һәм салым системасына бәя бирәчәк һәм Икътисад министрлыгы тарафыннан беренче тапкыр эшләнгән Инновацион меморандум әзерләү методологиясе буенча үз тәкъдимнәрен әзерләячәк.

Җитәкчеләрне һәм дәүләт түрәләрен махсус семинарда яңа стратегияләр һәм алымнар эшләү буенча тәкъдимнәрне ничек нәтиҗәле файдаланырга икәнлегенә өйрәтәчәкләр. Бу эшләр барысы да агымдагы елга планлаштырылган. Бу өлкәдә хезмәттәшлек итү буенча карар кабул итү агымдагы елның җәендә Татарстанга Бөтендөнья банкының Россия буенча директоры Клаус Роланд килә торган вакытка планлаштырылган, дип хәбәр итә ТР Икътисад министрлыгының матбугат хезмәте.