Башкортстанның татар авылында зур бәйрәм үтте

Башкортстанның Балтач районындагы данлыклы татар авылы Көндәшле бу көннәрдә бик күп кунаклар кабул итте.

Биредә авылның 400 еллыгына багышланган тантаналы чаралар оештырылды. Әлеге бәйрәмнең төп өлеше булып "Көндәшлемнең дәрәҗәсе - нәселләребез шәҗәрәсе" дип аталган шәҗәрә бәйрәме торды.

Бәйрәм тантаналарында катнашу өчен, Көндәшледән чыккан бик күп якташлар да кайткан иде. Алар арасында илнең төрле төбәкләрендә яшәүче атаклы кешеләр - галимнәр, табиблар, укытучылар, төзүчеләр дә бар иде. Бәйрәмдә берничә гаиләнең нәсел агачлары турында бай мәгълүматлар бирелде. Үз шәҗәрәләрен төзегән күп тамырлы гаиләләр хәтта үзләренең мәдәни программаларын да тәкъдим итте. Җыр-моң, дәртле биюләр белән үрелеп барлы Көндәшленең юбилей чаралары.