"КАМАЗ"да Череповец делегациясе булып китте

2009 елның 19 июне, җомга
19 июньдә "КАМАЗ"да Череповецның "Северсталь" ААҖ металлургия комбинаты делегациясе булып китте. Кадрлар буенча дирекция эшләре идарәсе башлыгы Иван Пушкарев һәм кадрлар буенча дирекция эшләре идарәсенең беркетмәләр төркеме менеджеры Максим Калацейны "КАМАЗ" ААҖнең Тышкы сәүдә компаниясе беркетмәләр бюросының эш тәҗрибәсе кызыксындырды.

Иван Пушкаревның сүзләренә караганда, бу - визитлар сериясендә коллегаларның әле тәүге мәртәбә очрашуы. Аның барышында металлурглар үз тәҗрибәләре белән уртаклашырга һәм Россия, чит ил компанияләре белән тыгыз хезмәттәшлек итүче башка предприятиеләрдә беркетмәләр хезмәте эшенең ничек оештырылуы белән танышырга ниятли. Кунаклар танышуны "КАМАЗ" ААҖннән башлады. Ни өчен дигәндә, беренчедән, Череповец металлургия комбинаты һәм "КАМАЗ" - үзара партнерлар, икенчедән, "КАМАЗ" Тышкы сәүдә компаниясе" ЯАҖнең беркетмәләр хезмәте 2007 елда Россия конкурсында җиңү яулады һәм "Компаниянең репутация потенциалын арттыруда өлеш керткәне өчен" номинациясендә беркетмә, имидж һәм репутация өлкәсендә Милли профессиональ премия лауреаты булды, дип хәбәр итә предприятиенең матбугат хезмәте.

Кунакларны "КАМАЗ" беркетмәсенең барлык нечкәлекләре (эшлекле очрашу һәм сөйләшүләрне оештыру тәҗрибәсеннән алып беркетмәләр төркеме белгечләренең квалификация дәрәҗәсенә карата белдерелгән таләпләргә кадәр) кызыксындырды.

Череповецның "Северсталь" ААҖ металлургия комбинаты җитәкчелеге делегациясе үтенече белән алар өчен автомобиль заводы буйлап экскурсия оештырылды.

МА "Татар-информ", 2009 елның 19 июне
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International