Иске Казан җирлегендә "Сәләт" үзәге яшьләренең I республика җыены узачак

2009 елның 18 июне, пәнҗешәмбе
21-22 июнь көннәрендә, Иске Казан җирлегендә (Биектау районы), сәләтле балалар һәм яшьләрнең республикакүләм җыены узачак.

"Сәләт" яшьләр үзәгеннән алынган мәгълүматларга караганда, яшь буынны Иске Казан җирлеге тарихы һәм мирасы белән таныштыруны максат итеп куйган чарада язучылар, галимнәр катнашыр дип көтелә. Шул исәптән программада тарихи тыюлыкка җәяүле сәяхәт тә каралган. Моннан тыш, беренче көнне "Сәләт-тел" аланы сәлкешләре тарафыннан "Иске Казан җыены" дигән тарихи күренеш, спорт-күңел ачу чаралары каралган.

22се көнне исә биредә "Сәләттуй" була. Аның кысаларында тарихи викториналар үткәрелә һәм бүләкләүләр җыенга нокта куячак.

Билгеле булганча, "Сәләт" яшьләр үзәге быел "Звездный" лагерында дүрт алан оештыра. Алар - "Сәләт-Тел", "Сәләт-Раушан", "Сәләт-Санак" һәм "Сәләт-Шәхес" аланнары. Аларның беренчесе 10 июньдә башланып китте. Аланнарның соңгысы исә август аенда эшен төгәлли.

МА "Татар-информ", 2009 елның 18 июне
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International