Казанның Универсиадага әзерлеге ягыннан транспорт мәсьәләсе буенча зур сөйләшү булачак

2009 елның 15 июне, дүшәмбе
15 июньдә Казан шәһәре Башкарма комитеты аппараты җитәкчеләренең чираттагы "дүшәмбе киңәшмәсе"нә рәислек иткән мэр Илсур Метшин, РФ транспорт министры Игорь Левитинның Казанга килүе көтелә, дип белдерде.

Шәһәр башлыгы сүзләренчә, иртәгә Казан Ратушасында республика башкаласының 2013 елдагы Универсиадага әзерлеге ягыннан транспорт мәсьәләсе буенча зур сөйләшү булачак һәм бу максаттан шәһәрдәге барлык төр транспорт маршрутлары, шулай ук студентларның халыкара спорт уеннары өчен төзелеш мәйданчыклары урыннарда карап тикшереләчәк.

Болардан кала, бу атнада Ислам конференциясе оешмасы карамагындагы Ислам башкалалары һәм шәһәрләре оешмасы административ советының XXVII утырышы Казанда уздырылачак, аның буенча оештыру эшләре югары дәрәҗәдә булырга тиеш, дип кисәтеп куйды мэр И.Метшин аппаратның җитәкче даирәләрен.

Киңәшмәдә бүген төп мәсьәлә итеп куелган 20 июльдә булачак Казан Сабан туена әзерлек һәм шәһәрдә җәйге сәүдә эшләрен оештыру темаларына Казан мэрының беренче урынбасары Иршат Минкин белән шәһәр Башкарма комитетының икътисади үсеш комитеты рәисе Азат Шәрәпов чыгыш ясады.

МА "Татар-информ", 2009 елның 15 июне
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International