Казанда күпмилләтле дәүләттә туган телләрне саклау һәм үстерүгә нисбәтле халыкара җыен уза

2009 елның 29 мае, җомга
Татар дәүләт гуманитар-педагогика университеты 18-20 июньдә "Күпмилләтле дәүләт шартларында туган телләрне саклау һәм үстерү: проблемалар һәм перспективалар" дип аталган халыкара фәнни-гамәли конференциядә катнашырга чакыра.

Әлеге халыкара җыенны оештыруда ТР Дәүләт Советы, ТР Министрлар Кабинеты, ТР Мәгариф һәм фән министрлыгы, ТР Фәннәр академиясе, Бөтендөнья татар конгрессы, ТДГПУ, "Туган (татар) теле һәм әдәбият" белгечлеге буенча укыту-методика комиссиясе катнаша.

Конференциядә дөньякүләм һәм милли телләрне үстерү, телләр белән законнар эшләү, Россиядә татар телен һәм рус булмаган башка халыкларның телләрен саклау, үстерү һәм ярдәм итүдә дәүләт сәясәтен булдыру, телләрне тарихи ланда һәм чагыштырып өйрәнү, туган тел укытучыларын әзерләү һәм аларның белемнәрен күтәрү, туган телләрне мәктәпләрдә һәм вузларда укыту тәҗрибәсе һәм башка шундый актуаль юнәлешләр буенча фикер алышу көтелә.

Җыен вакытында татар, рус һәм инглиз телләрендә аралашырга мөмкин булачак. Конференция материаллары буенча фәнни хезмәтләрдән торган җыентык бастырып чыгару планлаштырыла

МА "Татар-информ", 2009 елның 29 мае
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International