"Татнефтехиминвест-холдинг" ААҖ Директорлар советының чираттагы утырышы узды

2009 елның 25 мае, дүшәмбе
25 май көнне Премьер-министр Рөстәм Миңнеханов рәислегендә "Татнефтехиминвест-холдинг" ААҖ Директорлар советының чираттагы утырышы узды. Аның көн тәртибенә 5 мәсьәлә чыгарылып, шуның өчесе оештыру эшләре белән бәйле иде. Утырышта холдингның генераль директоры, Директорлар советы рәисе һәм секретаре сайланды.

Директорлар советы әгъзалары рәис итеп бертавыштан моңарчы да әлеге вазифаны башкарган Рөстәм Миңнехановны сайлады. Директорлар советы секретаре да үзгәрмәде. Рөстәм Миңнеханов бу урынга әлеге вазифаны озак еллар намус белән башкарган Марат Акчуринны тәкъдим иткән иде. Директорлар советы әгъзалары бу тәкъдимне хуплап тавыш бирде. "Татнефтехиминвест-холдинг" ААҖ генераль директоры итеп кабат Рафинат Яруллин сайланды. Хөкүмәт рәисе аның республикада нефть, газ, химия комплексын яңа инновацияләргә бастырудагы зур ролен бәяләп, алга таба да нәтиҗәле эшчәнлек теләде.

Директорлар советы утыршында шулай ук Россиянең инновацияле үсешендә газ һәм химиянең катализатор буларак роленә һәм "ДюПон" компаниясе беләр республиканың хезмәттәшлек перспективаларына багышланган чыгышлар тыңланды. "Татнефтехиминвест-холдинг" Директорлар советының чираттагы утырышы 29 июньгә билгеләнде.

МА "Татар-информ", 2009 елның 25 мае
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International