Табын яме ипи, тоз белән

Узган шимбәдә Казан Спорт сараенда "2002 ел уңышы" республика бәйрәме үткәрелде

Татарстан җирендә ике ел рәттән 6 шар миллион тоннага якын ашлык җыеп алынды. Бу - ару-талуны белми хезмәт иткән игенченең чын батырлыгы. Шулай дип әйтергә бүген нигез дә бар: республикабыз Россия Федерациясендә иген уңышы алу буенча, Краснодар краеннан гына калышып, икенче урынны алып тора. Ашлыкның тулай җыемы буенча Татарстан дүртенче урынга күтәрелде. Безнең халкыбыз алдында да, Россия алдында да йөзебез ак, күңелебез пакь. Утыз көннең бер бәйрәме була, дигәндәй, шушы хезмәт җиңүенә аеруча зур өлеш керткән аг-ропромышленность комплексы хезмәтчәннәре бәйрәмчә бизәлгән Спорт сараена җыелды.

Әнә, Татарстанның иң алдынгы комбайнчылары - 2002 ел урагында атаклы комбайнчы Рифкат Кәлимуллин призына конкурста җиңеп, республика Авыл хуҗалыгы һәм азык-төлек министрлыгының герой-комбайнчы исемендәге истәлек кубогына, лауреат исеменә һәм акчалата премиясенә лаек булган кешеләр сәхнә түренә менә. Югары хезмәт җитештерүч-әнлегенә ирешкән, техникадан оста файдалану үрнәге күрсәткән бу кыр батырларын котлау өчен Татарстан Президенты Минтимер Шәймиев Татарстан Премьер- министры урынбасары - авыл хуҗалыгы һәм азык-төлек министры Марат Әхмәтов белән бергә сәхнәгә күтәрелә.

- Бүгенге тантананың, -диде Президент, - 2002 ел урагы батырлары белән очрашудан башланып китүе минем өчен аеруча куанычлы. Нәкъ менә сез быелгы урып-җыю эшләрендә киеренке хезмәт үрнәге күрсәттегез.

Минтимер Шәймиев 15 лауреатка бүләкләр тапшырды. Алар арасында Нурлат районының Синдряков исемендәге авыл хуҗалыгы кооперативыннан Павел Варламов та бар. Ул "Дон-2600" комбайны белән 5246 тонна ашлык суктырып алды, Татарстан тарихында әле беркемнең дә мондый күрсәткечкә ирешә алганы булмады. Галиҗәнап игенче хезмәтенә чын күңелдән бирелгән кешеләр генә шулай эшли ала.

Аннары Президент болай Диде:

- Республикабызның аг-ропромышленность комплексы хезмәтчәннәре бүген чыннан да зур хөрмәткә лаек. Без Кубаньда гына үстерелә торган уңыш җыеп алырга өйрәндек. Хикмәт саннарда гына түгел, ә нинди шартларда нинди зур хезмәт куеп алына ул - шунысы да бик мөһим. Быелгы эш йомгакларыннан күренгәнчә, күп ашлык җыеп алу табигатькә, вакытында яуган яңгырга, һава шартларына гына бәйле түгел, ул, беренче чиратта, игенченең оешканлыгына, профессиональ осталыгына, тәвәккәллегенә һәм күңел биреп эшләвенә бәйле. Игенченең уңганлыгы кырларыннан күренә, дип җырлыйлар. Бу чыннан да шулай. Быел безнең иген кырлары табыннарыбыз кебек бай, күңелебез кебек күзнең явын алырлык чиста булды.

Әлбәттә, игенчелектә ире-шелгән быелгы уңышлар - ул дәүләт һәм хөкүмәтнең финанс, техник, рухи ярдәме нәтиҗәсе дә. Татарстан игенчесе үзенең нәрсәгә сәләтле икәнлеген тагын бер тапкыр күрсәтте. Шушы уңайдан "2002 ел уңышы" бәйрәмендә республика калачына аеруча зур өлеш керткән районнар билгеләп үтелде.

Президент чыгышыннан:

- Азнакайлылар 270 мең тоннадан артык, нурлатлы-лар 260 мең, буалылар - 227 мең, арчалылар - 223 мең, ак-танышлылар - 205 мең, сар-манлылар - 202 мең, аксубай-лылар - 183 мең, чирмеш-әнлеләр һәм алексеевскилы-лар 170 әр мең тонна ашлык җыеп алдылар. Кама Тамагы, Минзәлә, Теләче районнары 2000 ел белән чагыштырганда ашлыкның тулай җыемын ике тапкыр арттырдылар. Балык Бистәсе, Спас районнары үткән елгы нәтиҗәләрне узып киттеләр. Зәй, Ленино-горск, Түбән Кама, Саба районнары да игенчелектә алга таба җитди адымнар ясадылар.

Кайбер хуҗалыкларның уңышлары тагын да күркәм. Мәсәлән, Биектау районының "Бөреле" ябык акционерлык җәмгыяте 33 мең тонна, Сарман районының "Өч Өйле" авылы хуҗалыгы кооперативы 26,5 мең тонна, Нурлат районының Синдряков исемендәге кооперативы 23 мең тонна ашлык җитештерделәр. Ә һәр гектардан уңыш алу оуенча оеренче-лек - Нурлат районының "Сөлчә" авыл хуҗалыгы кооперативы игенчеләре кулында, 86 центнер! Синдряков исемендәге хуҗалыкта ул - 78 центнер. Азнакай районының "Авангард", Нурлат районының "Киекле", Актаныш районының "Үзәк" һәм башка кайбер хуҗалыклар рекордлы уңышлары белән сөендерделәр.

Минтимер Шәймиев сүзен болай дип дәвам итте:

- Кешенең табынына икмәк куюдан да игелекле гамәл дөньяда юктыр. Игенченең авыр хезмәте, бәлки, әле тиешенчә бәяләнеп тә бетми торгандыр. Әмма икмәк - гаять зур байлыгыбыз. Дан һәм хөрмәт кыр батырларына! Әгәр дә сез батырларча эшләмәгән, үзегезнең игелекле хезмәтегез белән башкаларга үрнәк күрсәтмәгән булсагыз, безнең бүгенге бәйрәмебез бу кадәр тантаналы, бу кадәр күркәм төс ала алмаган булыр иде. Сез -бәйрәмебезнең бизәге, йөзек кашы.

Менә иң яхшы нәтиҗәләргә ирешкән районнарның хакимият башлыклары һәм авыл хуҗалыгы идарәләре башлыклары сәхнәгә чакырыла. Аларга дипломнар, рәхмәт хатлары, акчалата премияләр бирелә. Президент Нурлат районы хакимияте башлыгы Фатыйх Сибага-туллинга "Почет билгесе" ордены да тапшырды.

Уңыш бәйрәмендә ветеран игенчеләргә, хезмәт династияләренә, яхшы нәтиҗәләргә ирешкән башка кайбер механизаторларга да зур хөрмәт күрсәтелде. Аларга бүләкләрне Татарстан Премьер- министры Рөстәм Миңнеханов тапшырды. Бүләкләнүчеләрнең берсе - Азнакай районының "Мөхәммәдьяров һәм К°" ширкәтеннән комбайнчы Хаҗ-ип Хәмитов. Аның механизаторлык стажы - 47 ел. Х.Хәмитовка тагын бер бүләк тапшырылды. Аны "Ростсель-маш" "Нива" машинасы белән бүләкләде. Алабуга машина-технология станциясе шоферы Анатолий Балобановка "КамАЗ"ның махсус бүләге -"Ока" машинасы бирелде. Махсус призларга лаек булучылар арасында Кама Тамагы районы да бар. Бу район быел сыра кайнатырга яраклы 4000 тонна арпа саткан. Аңа "Кызыл Шәрык" акционерлык җәмгыятенең махсус бүләге тапшырылды.

2002 ел урагында иң яхшы күрсәткечләргә ирешкән авыл хуҗалыгы предприятиеләре аеруча мактауга лаек. Аларның күбесе һәр елны югары уңыш үстереп, моңа кадәр дә дан, хөрмәт казанды. Нурлат районының "Сөлчә" авыл хуҗалыгы кооперативы, Буа районының "Татарстан", "Коммуна", Чүпрәле районының "Цильна" күмәк хуҗалыклары, Балтач районының Тимирязев исемендәге колхозы, Теләче районының Ленин исемендәге тәҗрибә-җитештерү хуҗалыгы, Арча районының "Север-ный", Мәрҗани исемендәге күмәк хуҗалыклары әнә шундыйлардан. Авыл хуҗалыгы предприятиеләре җитәкчеләренә бүләкләрне Рөстәм Миңнеханов тапшырды.

Уракның соңгы нәтиҗәләре келәтләрдәге, ындыр табакларындагы, элеваторлардагы ашлык - йөзләгән, меңләгән комбайнчылар, тракторчы һәм шоферлар белән бергә, белгечләр һәм хезмәт күрсәтүче оешмаларның да хезмәт җимеше. "Алар, - диде үзенең чыгышында Минтимер Шәрипович - урып-җыю комплексының төгәл эшләвен тәэмин иттеләр, бөтен урак чорында ару-талуны белми эшләделәр. Мәсәлән, "Татсель-хозтехника"ның механика-лаштырылган отрядлары 670 мең тоннадан артык бөртек, ягъни быелгы ашлыкның 12 процентын суктырып алдылар". Республика Дәүләт Советы Рәисе Фәрит Мөхәммәт-шин аларны быелгы уңышлары белән котлап, бүләкләр тапшырды. Кайберләренең исеме республикада билгеле. Татарстан авыл хуҗалыгы һәм азык-төлек министры урынбасары Таһир һадиев, Актаныш "Агропромснаб"ы җитәкчесе Шәйхенур Шәехов, "Буа машина-технология станциясе" ачык акционерлык җәмгыяте генераль директоры Зөфәр Фәйзуллин, Балтач районының "Татарстан" кооперативы баш агрономы Фәрит Хөрмәтуллин һәм башкаларга кылган гамәлләре өчен рәхмәт сүзләре әйтелде.

Әлбәттә инде, игенчеләрнең якын булышчылары да читтә калмады. Бу номинация буенча массакүләм информация хезмәткәрләре эшенә дә тиешле бәя бирелде. М.Ш.Шәймиев алар адресына җылы сүзләр әйтте. "Матбугат, радио, телевидение,- диде ул, -алдынгылар тәҗрибәсен киң һәм оператив яктыртып, гомуми уңышка үзләреннән өлеш керттеләр, бер үк вакытта тәнкыйть сүзе аша җитди проблемаларны хәл итүдә булышлык күрсәттеләр",-диде ул. "Ватаным Татарстан" һәм "Республика Татарстан" газеталары баш редакторлары Габделхак Шәмсетдинов, Евгений Лисинны, "Татарстан" телевидение һәм радиотапшырулар компаниясе радиотапшырулар баш редакторы Рәкыйп Гаффаров, "Татарстан -яңа гасыр" каналында "Җир сулышы" программасы авторы һәм алып баручысы Раиф Гыймадиев-ны Фәрит Мөхәммәтшин тәбрикләде.

Бәйрәм тантанасында катнашучыларны сәламләп җыр, музыка яңгырап торган Спорт сарае сәхнәсенә янәдән Татарстан Президенты М.Ш.Шәймиев менә. Ул Россия Федерациясенең һәм Татарстан Республикасының мактаулы исемнәренә, бүләкләренә лаек булган кешеләрне котлап, аларга шушы бүләкләрне тапшырды. Аннары Президент төрле елларда авыл хуҗалыгының төрле тармакларында эшләгән, заманында агроп-ромышленность комплексын үстерү өчен күп көч һәм хезмәт куйган Социалистик Хезмәт Геройларына хезмәтләре өчен тирән рәхмәт хисләрен белдерде. Аларның һәркайсына төсле телевизор бүләк ителде.

Ул көнне Татарстан үзенең тырыш хезмәте

белән республиканың зур калачына зур өлеш керткән алдынгыларын хөрмәтләде. Шулай да кайбер кешеләрдән шулкадәр күп ашлык җитештерү нигә кирәк булды икән, бу бер бәлагә әйләнмәс микән дигән сүзләр ишетелә. Минти-мер Шәймиев үзенең чыгышында шулай диючеләргә төгәл һәм ачык җавап бирде: "Ашлык Россия дәүләте өчен дә, бигрәк тә безнең республика өчен дә беркайчан да бәла булмады һәм булмас та. Ашлык ул агроэкономиканың, илдә азык-төлек иминлегенең нигезе. Әгәр дә 1998-1999 еллардагы кебек аз уңыш җыеп алынган булса, менә бу чыннан да бәла булыр иде. Ел елга туры килми. Әйтүе кыен, киләсе ел ничек булыр бит әле. Шуңа күрә ашлык резервы кирәк. Булсын икмәк, без аны кая куярга белербез..."

Соңгы ике елда җыеп алынган ашлык республиканың ферма эшчәннәренә ит, сөт һәм башка продукция җитештерүне арттыра барырга мөмкинлек бирер. Элек читтән ашамлык бодае ташысак, хәзер үзебезнеке үзебезгә җитәрлек. "Менә 7 ел инде, - диде Президент, - республика үзен ашамлык бодае белән тәэмин итә. Быел 600 мең тоннага якын шундый бодай әзерләнде. Нур-лат, Буа, Арча, Саба районнары ашамлык бодаен аеруча күп саттылар..."

Табын яме ипи, тоз белән, дип юкка гына әйтмәгәннәр. Ипи, күмәч өстәлләребезгә килгәнче озын-озак юл үтә. Бу хезмәтнең авырлыгын үз җилкәсендә күтәргән кешеләрне уңыш бәйрәменә чакырып, шулай хөрмәтләү аларга тагын да яхшырак эшләргә яңа көч, илһам бирер.