М.Ш.Шәимиев В.В.Путинны юбилее белән котлады

Татарстан Республикасы Президенты Минтимер Шәймиев Россия Федерациясе Президенты Владимир Путинга 50 яше тулу уңаеннан котлау җибәрде.

Телеграммада, аерым алганда, болай диелә:"Сез россиялеләрнең үз гамәлләрегезне эчкерсез хуплавына, зур абруйга ирешә һәм Россиянең күпмилләтле халкының ихтирам-хөрмәтен казана алдыгыз. Сезнең бөтен көчегезне ил файдасына бирү омтылышы, фидакарь һәм халыкка хезмәт итү эшендә тугрылыклы булуыгыз иң зур хөрмәткә лаек. Сез үткәреп килә торган төптән уйланылган эчке һәм тышкы сәясәт нигезендә эзлекле рәвештә демократик дәүләт төзелә, нәтиҗәле социаль икътисадый үзгәртеп корулар үткәрелә, дөньякүләм җәмәгатьчелек алдында ил абруе тайпылышсыз үсә. Сезнең тынычлыкны һәм халыкара тотрыклылыкмы тәэмин итүгә, халыкара килешү һәм ышаныч булдыруга керткән өлешегез бәяләп бетергесез зур. Россия Федерациясенең дөнья бергәлегенә актив интеграциял-әнүе, илнең тышкы сәясәттәге төгәл һәм принципиаль позициясе Сезгә чорыбызның күренекле дәүләт һәм сәясәт әһеле буларак танылу китерде".

"Сезнең Россия дәүләтенең шанлы елъязмасына әле тагын күп кенә күренекле сәхифәләр өстәячәгегезгә, Россия Федерациясенең чәчәк атуына һәм аның көчле булып үсүенә зур өлеш кертәчәгегезгә иманым камил", - диелә котлауда.

Телеграммада М.Ш.Шәймиев ярдәме һәм аңлавы өчен ил Президентына рәхмәт белдерә һәм аңа Татарстан Республикасының күпмилләтле халкы исеменнән "күп еллар буена бетмәс-төкәнмәс энергия, билгеләнгән барлык планнарын тормышка ашыруын" тели.