Минтимер Шәймиев алдынгы чөгендер үстерүчеләрне сәламли

2004 елның 21 декабре, сишәмбе

21 декабрь көнне Татарстан Президенты Минтимер Шәймиев Зәй шәһәрендә республиканың алдынгы чөгендер үстерүчеләре тантаналы жыенында катнашачак.

Билгеле булганча, быел Татарстан чөгендер буенча рекордлы -1 миллион 800 мең тонна уңыш җыеп алды. Алга таба эшкәртү өчен аңардан 1 миллион 400 мең тонна күләмендә сыйфатлы чимал әзерләнгән. Бу, үз чиратында, 160 мең тоннадан артык шикәр комы җитештерергә һәм тулысынча республика ихтыяҗын канәгатьләндерергә мөмкинлек бирәчәк.

Чөгендер үстерүчеләрнең зур уңышына багышланган бүгенге җыенда алдынгы хезмәтчәннәр Татарстан Авыл хуҗалыгы һәм азык-төлек министрлыгы дипломнары һәм кыйммәтле бүләкләре белән бүләкләнәчәк. Татарстан Президенты Минтимер Шәймиев, шулай ук ТР Премьер-министры Рөстәм Миңнеханов тантанада катнашучыларга «Иң яхшы район», «Иң яхшы авыл хуҗалыгы», «Профессиясендә иң яхшы» номинацияләрендә җиңүчеләрне тәбрикләячәк. Шулай ук авыл хуҗалыгының бу тармагын үстерүгә күп көч куйган инвесторлар да билгеләп үтеләчәк. Шикәр чөгендерен җитештерүче алдынгыларын Татарстан Республикасының сәнгать осталары да сәламләячәк.

"Интертат" агентлыгы, 21 декабрь 2004 ел

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

октябрь, 2025 ел

Минтимер Шәймиев ТР Дәүләт Советы утырышында катнашты

Бүген С. Сәйдәшев исемендәге Дәүләт Зур концерт залында җиденче чакырылыш Дәүләт Советының ундүртенче утырышы узды. Көн тәртибендәге бердәнбер мәсьәлә Татарстан Республикасы Рәисенең республиканың эчке һәм тышкы хәле турында Дәүләт Советына еллык юлламасы иде.

ЯҢАЛЫКЛАРГА ЯЗЫЛУ