Минтимер Шәймиев "Ел Президенты" мактаулы исеменә лаек булды

2004 елның 23 ноябре, сишәмбе

Татарстан Республикасы Президенты Минтимер Шәймиев "Президент-2004" номинациясендә "Россиянең Милли Олимпы" премиясендә лаек булды. 20 ноябрь көнне Мәскәүнең Дәүләт Кремль сараенда үткән бүләкләү тантанасында М.Шәймиев өчен "Алтын Олимп" билгесен һәм Дипломын Татарстанның Россия Федерациясендәге Вәкаләтле Вәкиле Нәзиф Мириханов алды. Татарстан Президетына әлеге мактаулы титул "милләтара һәм динара бердәмлек булдыруы, Татарстан Республикасын Аурупа дәрәҗәсендәге төбәккә әверелдерүе" өчен тапшырылды. Минтимер Шәймиев мондый югары дәрәҗәгә инде икенче тапкыр лаек, 2001 елда ул шулай ук "Ел Президенты" исемен алган иде.

"Россиянең Милли Олимпы" премиясе Россиянең үсешенә зур өлеш керткән социаль әһәмиятле предприятиеләргә, компанияләргә һәм учрежденияләргә, шулай ук күренекле шәхесләргә, дәүләт, җәмәгать һәм сәясәт эшлеклелеләренә бирелә.

Премияне гамәлгә куючылар - "Өченче меңъеллык" фонды, Россия Фәннәр академиясе, РФ Хөкүмәте, Сәүдә-сәнәгать палатасы, Россиянең сәнәгатьчеләр һәм эшмәкәрләр берлеге, Бөтенроссия күргәзмә үзәге. Премия булдырылган шушы 10 ел эчендә мактаулы исемнәргә лаек булучылар арасында - Алексей Маресьев, Михаил Горбачёв, Жорес Алферов, Сергей Шойгу, Святейший Патриарх Московский и Всея Руси Алексий II, Борис Петровский, Алексей Леонов, Минтимер Шәймиев, Николай Дроздов, Валентина Терешкова, Тихон Хренников, Борис Ельцин, Михаил Калашников, Майя Плисецкая, Геннадий Букаев, Мстислав Ростропович, Егор Строев, Юрий Башмет, Александр Карелин, Николай Байбаков, Юрий Сенкевич, Владислав Третьяк һ.б. бар.

"Интертат" агентлыгы, 22 ноябрь 2004

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

октябрь, 2025 ел

Минтимер Шәймиев ТР Дәүләт Советы утырышында катнашты

Бүген С. Сәйдәшев исемендәге Дәүләт Зур концерт залында җиденче чакырылыш Дәүләт Советының ундүртенче утырышы узды. Көн тәртибендәге бердәнбер мәсьәлә Татарстан Республикасы Рәисенең республиканың эчке һәм тышкы хәле турында Дәүләт Советына еллык юлламасы иде.

ЯҢАЛЫКЛАРГА ЯЗЫЛУ