Минтимер Шәймиев "Кытай һәм Россия милли еллары" бүләгенә лаек булды

2007 елның 28 ноябре, чәршәмбе

27 ноябрь көнне Мәскәүдә Россия Федерациясендә Кытай халык республикасы Илчесе Лю Гучан Россия Хөкүмәт учреждениеләре, Россия төбәкләре җитәкчеләренә, гаммәви мәгълүмат чаралары вәкилләренә Кытай һәм Россия "милли еллары"н үткәрүгә керткән өлешләре өчен медальләр һәм бүләкләр тапшырды. Бүләкләр КХР Дәүләт Советы премьеры Вэнь Цзябао һәм вице-премьер У И исеменнән тапшырылды, дип хәбәр итә "Интерфакс".

Тантанада чыгыш ясаганда Лю Гучан 2006 һәм 2007 елларда Кытайда Россия һәм Россиядә Кытай "милли еллары"н үткәрү "зур уңыш белән барды" диде. Аның сүзләренчә, бу еллар кысаларында 500дән артык чара уздырылды, аларны берничә йөз миллион кеше тамаша кылды.

"Кытай һәм Россия милли еллары" мактаулы бүләгенә Татарстан Президенты Минтимер Шәймиев, Приморье крае губернаторы Сергей Дарькин, Чита өлкәсе губернаторы Равил Гыйниятуллин, Иркутск өлкәсе губернаторы Александр Тишанин, Новосибирск өлкәсе губернаторы Виктор Толоконский, Краснодар крае губернаторы Александр Ткачев, Хабаровск крае губернаторы Виктор Ишаев лаек булды.

Шушы ук бүләк "Интерфакс" генераль директоры Михаил Комиссарга, "ИТАР-ТАСС" һәм "Новости" агентлыклары җитәкчеләре Виталий Игнатенкога һәм Светлана Миронюкка, "Русский алюминий" генераль директоры Олег Дерипаскага, Россия-Кытай сәүдә-икътисади хезмәттәшлек үзәге идарәсе рәисе Сергей Санакоевка бирелде.

2007 елның 28 ноябре

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев ТР Муниципаль берәмлекләре советының XX съезды эшендә катнашты

Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ