Ирина Роднина ТР Президентын Татарстан командасының "Алтын алка" турнирында җиңүе белән котлады

2007 елның 6 декабре, пәнҗешәмбе

ТР Президенты Минтимер Шәймиев исеменә "Спортивная Россия" Бөтенроссия ирекле җәмгыяте Үзәк советы рәисе, өч тапкыр олимпия чемпионы Ирина Роднинадан хат килде. Хатта 27 ноябрьдән 1 декабрьгә кадәр Бөтенроссия хоккей көне кысаларында балалар арасында II Халыкара "Алтын алка" турниры узуы, анда Молдова, Латвия, Казакъстан, Украина, Беларусь һәм Россиядән командалар катнашуы хакында сүз бара.

1 декабрь көнне Мәскәүнең "ЦСКА" Боз спорт сараенда "Вымпел" (Беларусь Республикасы) һәм "Юность" (Россия, Татарстан Республикасы, Чаллы) командалары арасында турнирның финалы узды, анда "Юность" командасы "Вымпел"ны 4:3 исәбенә җиңде.

Ирина Роднина Татарстан Республикасы Президентын әлеге җиңү белән котлады һәм команданың тренеры В.Н.Дюжиковага (аннан башка якташларыбыз җиңүгә ирешә алмас иде) рәхмәт белдерде.

"Юность" командасы турнир дәвамында искиткеч яхшы уен күрсәтте. Бүләкләү тантанасында җиңүчеләрдән тыш, аерым уенчыларга да призлар тапшырылды. "Турнирның яхшылардан яхшы уенчысы" номинациясендә "Юность" командасының 10нчы номерлы хоккейчысы Наил Якупов бүләкләнде", - диелә хатта.

2007 елның 6 декабре

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев ТР Муниципаль берәмлекләре советының XX съезды эшендә катнашты

Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ