28 февраль көнне Татарстан Республикасының өченче чакырылыш Дәүләт Советының утыз алтынчы утырышы уза

2008 елның 28 феврале, пәнҗешәмбе

28 февраль көнне Татарстан Республикасының өченче чакырылыш Дәүләт Советының чираттагы - утыз алтынчы утырышы уза. Аның эшендә ТР Президенты Минтимер Шәймиев, ТР Премьер-министры Рөстәм Миңнеханов, ТР парламенты рәисе Фәрит Мөхәммәтшин, РФ Дәүләт Думасы депутатлары катнаша.

Сессиянең көн тәртибенә ТР Дәүләт Советы Президиумы тарафыннан җитмештән артык мәсьәлә чыгарылды. Алар - республика дәрәҗәсендәге закон проектлары һәм карарлар, федераль закон проектлары һәм төбәк парламентларының закон инициативалары.

Депутатлар, аерым алганда, "Татарстан Республикасында торак төзелеше үсешенә дәүләт ярдәме турында", "2008 елда Татарстан Республикасы бюджеты турында" ТР Законына үзгәрешләр кертү турында" закон проектларын тикшерәчәк.

Шулай ук республика парламентарийлары "Татарстан Республикасында референдум турында" ТР Законына үзгәрешләр кертү турында", "Татарстан Республикасында муниципаль хезмәт турында" ТР Законына үзгәрешләр кертү турында", "Татарстан Республикасында дәүләт гражданлык хезмәте турындагы" ТР Законының 23 нче маддәсенә үзгәрешләр кертү турында" ТР закон проектлары, ТР Дәүләт Советының "Татарстан Республикасының Әлмәт районы территориясендә торак пункт - Гөлбакча авылын төзү турында"гы карары өчен тавыш бирәчәк.

Татарстан Дәүләт Советы депутатлары РФ Дәүләт Думасына юллау өчен берничә закон инициативасы да әзерләгән.

2008 елның 28 феврале

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

Минтимер Шәймиев Дан Мемориалы колоннадасының Мәңгелек утына чәчәкләр салу тантанасында катнашты

Бүген Казанда, Җиңү паркында Дан Мемориалы колоннадасының Мәңгелек утына чәчәкләр салу тантанасы булды. Анда Татарстан Рәисе Рөстәм Миңнеханов, Татарстан Дәүләт Киңәшчесе, Россия Хезмәт Герое Минтимер Шәймиев, Татарстан Премьер-министры Алексей Песошин, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин катнашты.

май, 2026 ел

Минтимер Шәймиев Бөек Ватан сугышында Җиңүнең 81 еллыгына багышланган тантанада катнашты

Бүген Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 81 еллыгына багышланган тантана узды. Анда Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советының мактаулы рәисе Фәрит Мөхәммәтшин, Хакимият ТР Рәисе Администрациясе җитәкчесе Әсгать Сәфәров, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ