М.Шәймиев: "Хәзердән алып "Бердәм Россия" илдә барган бөтен вакыйгалар өчен җаваплы"

2008 елның 15 апреле, сишәмбе

15 апрель көнне Татарстан Президенты Минтимер Шәймиев Владимир Путинның "Бердәм Россия"не җитәкләргә ризалыгын шәрехләде.

"Моннан соң Дәүләт Думасында күпчелекне биләгән партия илебездә социаль-икътисади өлкәдә булган бөтен нәрсә өчен җаваплы булачак", - дип белдерде республика башлыгы "Вести" телеканалының турыдан-туры эфирында.

"Владимир Путин партияне җитәкләде, "Бердәм Россия" Дәүләт Думасында күпчелекне алды һәм хәзер җаваплылыкны сылтап калдырырлык беркем дә юк. Хөкүмәт 2020 елга кадәр куелган бурычларны тормышка ашыруга юнәлдерелгән закон проектлары әзерләячәк, Дәүләт Думасы аларны кабул итәчәк. Шулай итеп, "Бердәм Россия" илдәге эшләр торышы өчен җавап бирәчәк", - дип билгеләп узды Минтимер Шәймиев.

"Татарстанда "Бердәм Россия" партиясенең иң зур төбәк оешмасы төзелде. Әмма безнең өчен иң мөһиме - эшчәнлегебездә формальлеккә юл куймау. Без баштан ук партия эшен формаль итмәс өчен тырышабыз. "Бердәм Россия" барлык хөкүмәт структураларына - Дәүләт Советы, Хөкүмәткә интеграцияләнгән. Без бер бөтен булып эшлибез", - диде Татарстан Президенты төбәктәге партия эше хакында.

2008 елның 15 апреле

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев ТР Муниципаль берәмлекләре советының XX съезды эшендә катнашты

Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ