ТР Президенты РФА академигы Олег Синяшин белән очрашты

2008 елның 20 мае, сишәмбе
20 майда Татарстан Республикасы Президенты Минтимер Шәймиев Россия Фәннәр Академиясенең Казан фәнни үзәгенең яңа сайланган рәисе академик Олег Синяшин белән очрашты.
Республика башлыгы Олег Герольдовичны Россия фәннәр академиясенең иң өлкән төбәк фәнни үзәкләренең берсенә җитәкче итеп сайлануы белән котлады һәм илебез фәне файдасына уңышлы эш теләде.

Очрашу барышында РФА Казан фәнни үзәгенең хәзерге этаптагы эшчәнлегенең актуаль мәсьәләләре күтәрелде. Аерым алганда, үзенең атаклы һәм киң танылган фәнни мәктәпләре, ачышлары һәм казанышлары белән мәгълүм Казан фәнни үзәге мөмкинлекләрен илебезнең максатчан инновацион үсеше өчен активрак куллану турында сүз барды. Шул ук вакытта инновация процессының төп шарты - фәнни эшчәнлек нәтиҗәләрен реаль икътисадка кертү. Моңа Казан фәнни үзәге һәм ТР Фәннәр академиясенең, югары уку йортларының, яңа инновацион структура - технопарклар, инвестиция парклары һәм республика предприятиеләренең уртак көчләре юнәлтелергә тиеш.

2008 елның 20 мае
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International