М.Шәймиев: "Ашыгыч медицина ярдәме хезмәткәрләренең махсус психологик әзерлек үтүе мөһим"

Татарстан Республикасы Президенты Минтимер Шәймиевнең Чаллы шәһәрендә сәламәтлек саклау өлкәсенә багышланган эш сәфәре, күптән түгел файдалануга кертелгән ашыгыч медицина ярдәме станциясе белән танышуы нокта куйды. Биредә Президент белән булган мәртәбәле кунакларны - РФ Дәүләт Думасы Рәисенең беренче урынбасары Олег Морозовны, ТР Сәламәтлек саклау министры Айрат Фәрраховны, Чаллы шәһәре мэры Илдар Халиковны һәм башкаларны әлеге учреждениенең баш табибы Фнүс Фәртдинов каршы алды.

Ашыгыч медицина ярдәме станциясендә 30 урыннарга чыгу бригадасы һәм мәетләрне күчерү буенча 1 бригада эшли. (Ашыгыч медицина ярдәме артыннан мөрәҗәгать итүчеләр 2007 елда 1000 кешегә 291 кешене тәшкил иткән). 1 бригадага уртача тәүлекле йөкләмә 15 чакыруныдан гыйбарәт.

Ашыгыч медицина ярдәме автомобилҗләре "Северсталь авто" ешмасында "Fiat Albea" машиналары базасында җыелган. Биредә станция хезмәткәрләре билгеләп узганча, элек иске машиналар салкын көнне кабызып булмау, кышын аларның эчен дә бик салкын булуы белән уңайсыз булуын билгеләп уздылар. Медицина җиһазы белән бергә әлеге автомобильләр 1,5 миллион сумга төшә.
Биредә ашыгыч медицина ярдәме өчен "Fiat Albea" автомобильләренең "Газель" машинасына караганда уңайлырак булуы шәрехләп үтелде.

Сәламәтлек саклау министры Айрат Фәррахов ассызыклап узганча, ашыгыч медицина ярдәме автомобильләре базасы нык таушалган. Республика буенча аларның сафын елына 150ләп машина тулыландырып торырга тиеш.

М.Шәймиев ашыгыч медицина ярдәме станциясенең оператив бүлегендә кизү торучы табиблар бүлмәсендә дә булды. Президент ашыгыч медицина ярдәме хезмәтендә кадрлар кытлыгы проблемасына тәфсилләп тукталды. Аны сәламәтлек саклау өлкәсенең бу тармагына яшьләрнең аз килүе борчый. Хастаханәдә эшләүчеләр ышандырганча, җылы автомобильләр, яхшы җиһазлар, югары хезмәт хакы түләнсә, ашыгыч медицина ярдәме челтәренә килүчеләр артырга тиеш. Аларның сүзләренә караганда, автомобильләр ашыгыч медицина ярдәме хезмәткәрләренең икенче йорты булып санала. Бу өлкәдә табибларга мохтаҗлык әлеге хезмәтнең куркыныч һәм авыр булуы белән аңлатыла. Тәүлек дәвамында аяк өстендә ярдәм күрсәтү, әлбәттә, җиңел эш түгел. Президентка билгеләп үтелгәннчә, фатирларга килгәч, табибларга һөҗүм итү очраклары да булгалаган.

М.Шәймиев ашыгыч медицина хезмәтенең үзенә бер аерым дөнья булуы белән килеште. "Белгечләрнең психологик әзерлек үтүе мөһим. Чыннан да ашыгыч медицина ярдәме аерым бер күңел халәтен сорый", - дип ул кадрларга ихтыяҗ проблемасын хәл итүгә җитди караш булырга тиешлегенә басым ясады. Республика җитәкчесе фикеренчә, бу хезмәткә студентларны да җәлеп итеп карарга кирәк.