Компенсацияләр ике тапкырга артачак

Бүген Татарстан Республикасы Президенты Минтимер Шәймиев республика карамагындагы ташламалардан файдаланучыларның компенсацияләрен ике тапкырга арттыру карары турында хәбәр итте.

Монда сүз 2005 елның 1 гыйнварыннан хезмәт ветераннары, репрессия корбаннары һәм реабилитацияләнгән гражданнар турында сүз бара. "Иң авыры шул, ташламаларны акчалата түләү торак-коммуналь хезмәтләр өчен бәяләр арткан вакытка туры килә. Әлегә ташламаларны акчага алмаштыруның кайсы ягы файдалы, кайсы ягы җитешсезлек икәнен беркем дә төгәл әйтә алмый. Авыл ветераннары ота кебек, ә шәһәрнекеләр белән нишләргә? Транспортта йөрү һәм башка ташламаларны акчага күчерүдән күргән зыянны без каплый алырбызмы? Хөкүмәт кабул иткән карарда бер айга хезмәт ветераннарына - 100, тыл ветераннарына - 150 һәм реабилитацияләнгәннәргә - 160 сум билгеләнгән иде. Бүген иртән үзебезнең мөмкинлекләрне тагын бер кат үлчәп, киңәшләшеп бюджетка авыр булса да билгеләнгән сумманы икеләтә арттырыга булдык. Бүген Хөкүмәтнең карары кабул ителәчәк, мин инде бу йөкләмәне бирдем", - диде Минтимер Шәймиев.

Шулай итеп, 1 гыйнвардан тыл ветераннары - 300 сум, хезмәт ветераннары - 200 сум, репрессия корбаннары - 250, реабилитацияләнгәннәр - 300 сум компенсация алачак.