Минтимер Шәймиев Ататөрек каберенә чәчәкләр куйды

2004 елның 6 декабре, дүшәмбе

6 декабрь көнне Татарстан Президенты Минтимер Шәймиевнең Төркиягә эшлекле визиты дәвам итә. Россия Президенты Владимир Путин җитәкләгән Россия делегациясе составында шулай ук Ингушетия Президенты Морат Зязиков, Россиянең чит ил эшләре министры Сергей Лавров, сәнәгать һәм энергетика министры Виктор Христенко, саклану министры Сергей Иванов, "Транснефть", "ВЭБа", АХК "МИГ", "Рособоронэскпорт", "Новолипецк металлургия комбинаты", "Стройтрансгаз" оешмалары җитәкчеләре, Татарстан ягыннан исә "Татнефть" җитәкчесе Шәфәгать Тәхаветдинов бар.

Кичә Минтимер Шәймиев Төркия Президенты Әхмәт Сезерның Владимир Путин хөрмәтенә атап үткәргән кичке ашында катнашты. Бүген исә Россия делегациясе Төркия Республикасына нигез салган Мостафа Ататөрекнең мавзолеенда булып, чәчәкләр куйды.

Шулай ук бүген Минтимер Шәймиев Әхмәт Сезерның Чанкаядагы президент комплексында Төркия белән Россия Президентлары очрашуында катнашачак. Сөйләшү азагында ике ил арасында хезмәттәшлек турында уртак килешүләргә кул куелачак.

Көннең икенче яртысында исә Төркиянең Сәүдә, сәнәгать, диңгез палаталары һәм биржасы берлегендә Россия-Төркия эшлекле форумы ачылачак. Визит барышында Минтимер Шәймиев Төркия Премьер-министры һәм Бөек милли җыены рәисе белән очрашуда да булыр көтелә.

"Интертат" агентлыгы, 6 декабрь 2004 ел

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

октябрь, 2025 ел

Минтимер Шәймиев ТР Дәүләт Советы утырышында катнашты

Бүген С. Сәйдәшев исемендәге Дәүләт Зур концерт залында җиденче чакырылыш Дәүләт Советының ундүртенче утырышы узды. Көн тәртибендәге бердәнбер мәсьәлә Татарстан Республикасы Рәисенең республиканың эчке һәм тышкы хәле турында Дәүләт Советына еллык юлламасы иде.

ЯҢАЛЫКЛАРГА ЯЗЫЛУ