Төркия Президенты М.Шәймиевне төрек җирендә сәламләде

2004 елның 18 сентябре, шимбә
Бүген, 17 сентябрьдә Төркия җитәкчелеге тәкъдиме белән Төркия Республикасы Президенты Әхмәт Нәҗәт Сезер һәм Татарстан Президенты Минтимер Шәймиев арасында телефон сөйләшүе булды. Билгеле булганча, бу көннәрдә М.Шәймиев Анталиядә ял итә.

ТР Президенты матбугат үзәге хәбәр иткәнчә, сөйләшү барышында Төркия Президенты ике республика арасындагы күпьяклы хезмәттәшлекнең үсеш алуын, төрек компанияләренең Татарстан базарында уңышлы гына эшләвен билгеләп үтте.

А.Н.Сезер күптән түгел Бесланда булган фаҗигаләр аркасында Россия Президенты В.Путинның Төркиягә визиты кичектерелүенә дә кызганычын белдерде. Шулай ук ул визитның соңрак булачагын һәм делегация составына керүче Минтимер Шәймиев белән дә очрашырга шат булуын ассызыклады.

Әңгәмә азагында Ә.Н.Сезер Татарстан халкына иминлек, ә Президент М.Шәймиевкә һәм аның тормыш иптәшенә төрек җирендә яхшы гына ял итәргә теләде.

ИА "Intertat.Ru", 17 сентябрь 2004 г.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International