Минтимер Шәймиев Виктор Сехин белән очрашты

4 Август 2004. Казан Кремлендә ТР Президенты Минтимер Шәймиев Горький тимер юлы начальнигы Виктор Сехин белән очрашты.

Бу - Горький тимер юлы начальнигының республика башлыгы белән беренче тапкыр очрашуы. Виктор Сехин әлеге урынны агымдагы елның 28 июненнән бирле били. Элегрәк ул "Россия тимер юллары" ачык акционерлык җәмгыятенең вице-президенты иде. Аңа кадәр Байкал арты тимер юлы белән җитәкчелек иткән. 2000-2001 елларда Горький тимер юлы начальнигы урынбасары булып эшләгән.

Очрашу вакытында Минтимер Шәймиев Виктор Сехин белән Татарстан Республикасының Горький тимер юлы белән үзара багланышларга кагылышлы мәсьәләләр, шул исәптән республикада Горький тимер юлы ихтыяҗлары өчен җитештерүне үстерү һәм аерым җитештерүнең офыклары турында фикер алышты.

Сүз шулай ук ТР Хөкүмәте һәм "Россия тимер юллары" ачык акционерлык җәмгыяте филиалы - Горький тимер юлы арасында төзелгән Килешүнең аерым нигезнамәләрен тормышка ашыру мәсьәләсе буенча киңәшмә турындагы эш Протоколының пунктлары турында барды. 2004 елда хезмәттәшлек итү турындагы документка бүген ТР Министрлар Кабинетында кул куелды.

Виктор Сехин сүзләренчә, бу өстәмә килешү Горький тимер юлы һәм Татарстан Республикасы арасындагы йөкләмәләрне киңәйтә. Аерым алганда, сүз Татарстанда, метро барлыкка килгәч, транспорт челтәрен төзү турында бара. Протоколда Татарстан шәһәрләрендә тимер юл вокзаллары төзү буенча ике якка да өстәмә йөкләмәләр дә билгеләнгән. Виктор Сехин әйтүенчә, Горький тимер юлы транспортының пассажир комплексын үстерүгә игътибар бирәчәк.

Очрашуда ТР Премьер-министры Рөстәм Миңнеханов, аның урынбасары, ТР Транспорт һәм юл хуҗалыгы министры Владимир Щвецов, Горький тимер юлының Казан бүлеге начальнигы Иван Белов та катнашты.