Президент М. Шәймиев Украина Президенты Л. Кучма белән очрашты

2003 елның 21 июле, дүшәмбе

21 июльдә Татарстан Республикасы Президенты Минтимер Шәймиев Кырымда Украина Президенты Леонид Кучма белән очрашты.

Очрашуда узган елның шушы чорында Татарстан һәм Украина президентларының "Укртатнафта" компаниясе эшчәнлегенең нәтиҗәлелеген арттыру турында сөйләшүләр алып барганлыгы искәртелде. Кадрлар составын ныгыту буенча хәлиткеч адымнар ясалды. Компаниянең төп предприятиесе булып торучы Кременчуг нефть эшкәртү заводының җитәкчелеге алышынды.

Нәтиҗәдә бер ел эчендә уңай якка үзгәрешләр булды: компаниянең 2002 елдагы һәм 2003 елның беренче яртыеллыгындагы үсеш йомгаклары өметле дип танылды. Очрашуда катнашучылар шулай ук Кременчуг нефть эшкәртү заводын хосусыйлаштыруның барышын да тикшерде.

Татарстан Президенты "республикалар арасында үзара аңлашу бар, һәм шушы нигездә уртак планнарны тормышка ашырырга килеп туган проблемаларны хәл итәргә кирәк", дип ассызыклады.

Очрашуда Украина һәм Татарстан Республикасы арасында алга таба хезмәттәшлеккә кагылышлы, аерым алганда, Украина территориясендә "КамАЗ"лар җыю прозводствосын көчәйтү, Кара Диңгез флотының тормыш эшчәнлеген тәэмин итүдәге проблемаларны хәл кылу ысуллары һ.б. мәсьәләләр буенча да фикер алышу булды.

Очрашуда Татарстан Республикасы Премьер-министрының беренче урынбасары Равил Моратов, "Татнефть"ААҖ генераль директоры Шәфәгат Тәхаутдинов, Татарстан Республикасының Украинадагы Сәүдә вәкиллеге җитәкчесе Ростислав Вахитов катнашты.

"Ватаным Татарстан", 22 июль 2003 ел

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

Минтимер Шәймиев Дан Мемориалы колоннадасының Мәңгелек утына чәчәкләр салу тантанасында катнашты

Бүген Казанда, Җиңү паркында Дан Мемориалы колоннадасының Мәңгелек утына чәчәкләр салу тантанасы булды. Анда Татарстан Рәисе Рөстәм Миңнеханов, Татарстан Дәүләт Киңәшчесе, Россия Хезмәт Герое Минтимер Шәймиев, Татарстан Премьер-министры Алексей Песошин, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин катнашты.

май, 2026 ел

Минтимер Шәймиев Бөек Ватан сугышында Җиңүнең 81 еллыгына багышланган тантанада катнашты

Бүген Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 81 еллыгына багышланган тантана узды. Анда Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советының мактаулы рәисе Фәрит Мөхәммәтшин, Хакимият ТР Рәисе Администрациясе җитәкчесе Әсгать Сәфәров, Татарстан Премьер-министры Алексей Песошин һәм башкалар катнашты.

апрель, 2026 ел

Минтимер Шәймиев Туган тел көненә һәм бөек татар шагыйре Габдулла Тукайның тууына 140 ел тулуга багышланган тантанага катнашты

Бүген Казанда, Г.Камал исемендәге театрның яңа бинасында Туган тел көненә һәм бөек татар шагыйре Габдулла Тукайның тууына 140 ел тулуга багышланган тантана узды. Анда Татарстан Рәисе Рөстәм Миңнеханов, Татарстан Дәүләт Киңәшчесе Минтимер Шәймиев, ТР Дәүләт Советы Рәисе вазыйфаларын башкаручы Марат Әхмәтов, ТР Дәүләт Советының Мактаулы рәисе Фәрит Мөхәммәтшин катнашты.

ЯҢАЛЫКЛАРГА ЯЗЫЛУ